نواز شریف کو کوئی خطرناک بیماری ہے نہ ہی فوری علاج کی ضرورت ہے. سربراہ میڈیکل بورڈ
پرانے میڈیکل ریکارڈ اور نئی ٹسیٹ رپورٹوں کا باریکی سے جائزہ لیا ہے‘بورڈ کاکام مکمل ہوگیا ہے. ڈاکٹرعارف تجمل
میاں محمد ندیم پیر 18 فروری 2019 16:40
(جاری ہے)
تفصیلات کے مطابق علامہ اقبال میڈیکل کالج کے پرنسپل اور جناح ہسپتال لاہور میں سابق وزیراعظم نواز شریف کے علاج کیلئے تشکیل کردہ میڈیکل بورڈ کے سربراہ پروفیسر عارف تجمل نے صحافیوں سے گفتگو کرتے ہوئے کہا ہے نوازشریف کی پرانی میڈیکل رپورٹ موصول ہوچکی ہے، جناح ہسپتال میں ٹیسٹ اور مریض کی گفتگو کے بعدجیل حکام کو رپورٹ دی، اس رپورٹ کے بعد ہمارے بورڈ کاکام مکمل ہوگیا ہے.
ڈاکٹرعارف تجمل نے کہا کہ میاں نوازشریف ابھی بھی ہماری نگرانی میں ہیں، جب تک جیل حکام سمجھیں میاں صاحب یہاں رہے تو نگرانی کریں گے، جوجیل حکام احکامات دیں گے ہم اس پرعمل کریں گے. علامہ اقبال میڈیکل کالج کے پرنسپل نے کہا نواز شریف کا علاج یہاں آنے سے پہلے ہی چل رہاتھا ، پاکستان بالخصوص جناح ہسپتال میں ہرقسم کے علاج کی سہولت موجود ہے، جو میڈیکل بورڈ بنایاگیاہے، خاص امراض سے متعلق بنایاگیاہے. انہوں نے کہا کہ کوئی ہسپتال مریض کی مرضی کے بغیرعلاج نہیں کرسکتا، حکام اگرکہیں گے نواز شریف کاعلاج یہاں ہو تو علاج کریں گے، نواز شریف کے ٹیسٹ اور طبیعت کے مطابق کوئی فوری خطرہ نہیں ہے، ہم نے لائحہ عمل بنا کر دے دیاہے. ڈاکٹرعارف تجمل نے کہا نوازشریف کے امراض کے بارے میں نہیں بتا سکتے، تمام امراض کا علاج جناح ہسپتال میں میسر ہے،وہ مزید کتنے دن یہاں رہیں گے، اس کا فیصلہ جیل حکام نے کرنا ہے. اس سے قبل ایم ایس جنا ح ہسپتال ڈاکٹرعاصم نے کہا کہ سابق وزیراعظم نوازشریف کو پنجاب حکومت کی ہدایت پرتمام سہولتیں دے رہے ہیں، نوازشریف کی پرانی رپورٹس دیکھ کربورڈ آئندہ لائحہ عمل اختیار کیا جائے گا. ایم ایس جناح ہسپتال نے کہا کہ کل ایکو ای سی جی اور دیگر ٹیسٹ کی رپورٹس آگئی ہیں، رپورٹس کسی کے ساتھ شیئر نہیں کرسکتے، تمام ٹیسٹوں کی رپورٹیں محکمہ داخلہ کو بھیج دی ہیں، نوازشریف کومنتقل کرنے کا اختیارحکومت کے پاس ہے.واضح رہے کہ پہلے تشکیل شدہ تمام میڈیکل بورڈ بھی کہہ چکے ہیں کہ سابق وزیراعظم کو کوئی خطرناک مرض لاحق نہیں اور صحت کے حوالے سے انہیں جو معمولی مسائل ہیں ان کا علاج پاکستان کے تمام بڑے ہسپتالوں میں ممکن ہے.مزید اہم خبریں
-
انوارالحق کاکڑ اور حنیف عباسی کی تکرار درحقیقت قومی خزانے کی چوری میں ملوث کرداروں کا اعتراف جرم ہے
-
پی ٹی اے نے ٹیکس ریٹرن فائل نہ کرنے والوں کی موبائل سمز بلاک کرنے کی تجویزمستردکردی
-
ایک اور آٹو کمپنی کا گاڑی کی قیمت میں لاکھوں روپے کی کمی کا اعلان
-
گرمیوں کے آغاز پر عوام پر نیا "بجلی بم" گرانے پر غور
-
چیف جسٹس کی مدت ملازمت میں توسیع شرم ناک عمل ہو گا
-
صنعت کار انڈسٹری لگائیں ، منافع کمانا آپ کا حق ہے‘بجٹ میں صنعتی پالیسی لا رہے ہیں.رانا تنویر حسین
-
ملک کو درپیش چیلنجز سے نمٹنے کے لیے مل کر کام کرنا ہوگا، 27سو ارب کے محصولات کی ریکوری کیلئے قانون بن چکا ہے ، ملک موجودہ محصولات سے تین گنا زیادہ محصولات اکٹھا کرنے کی صلاحیت رکھتا ہے،محمد شہبا ز ..
-
سعودی عرب زراعت ، معدنیات، آئی ٹی،آئل ریفائنری ، سولر، پاورڈسٹری بیوشن اورپاور پروڈکشن میں سرمایہ کاری کرنے میں دلچسپی رکھتا ہے.وفاقی وزیرپیٹرولیم
-
ریونیوکلیکشن سب سے بڑا چیلنج ہے، سالانہ وصولیوں کا ہدف تین سے چار گنا کرپشن ،فراڈ اور لالچ کی نظر ہورہا ہے. شہبازشریف
-
بلاول بھٹو نے وزیراعظم سے ملاقات میں کابینہ میں شامل ہونے کیلئے مثبت جواب دیا
-
چیف جسٹس کی مدت کا فکس ہونا عدالت کے وسیع تر مفاد میں ہے
-
حافظ نعیم الرحمن سے محمود اچکزئی، اسد قیصر کی ملاقات، احتجاجی تحریک میں شمولیت کی دعوت قبول کر لی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.