قرآنی سورتوں کے پڑھنے سے لاعلاج سعودی بچہ مکمل صحت یاب ہوگیا

ڈاکٹر مرض کی تشخیص میں ناکام ہوچکے تھے،کوئی دوائی نہیں دی ،صرف قرآن پڑھ کر پھونکتی رہی،والدہ کی گفتگو

بدھ 20 مارچ 2019 16:29

جدہ(اُردو پوائنٹ اخبارتازہ ترین - این این آئی۔ 20 مارچ2019ء) 48 سالہ سعودی ڈاکٹر خاتون مجد بطرش نے بتایا ہے کہ قرآن پاک پڑھنے سے بیمار بچہ صحت یاب ہوگیا۔

(جاری ہے)

سعودی ٹی وی سے بات چیت کرتے ہوئے انہوں نیھ کہاکہ ان کے والد ین قرآن کریم کے حافظ تھے، دادی نے بھی قرآن حفظ کیا تھا، میرے بچے کو عجیب و غریب بیماری لاحق ہوگئی، ڈاکٹر مرض کی تشخیص میںناکام ہوچکے تھے۔ انہوں نے صرف درد میں تخفیف کی دوائیں دی تھیں اور یہ بھی کہہ دیا تھا کہ مستقبل میں ان دواؤں کے منفی اثرات ہوسکتے ہیں، میں نے اپنے بیٹے کو کوئی دوا نہیں دی اور اس عقیدے کے ساتھ کہ قرآن کریم مکمل شفاء ہے ، پڑھ پڑھ کر بچے پر پھونکتی رہی۔ مجھے متعدد سورتیں بھی حفظ ہوگئیں۔ اللہ کے کرم سے میرا بچہ مکمل صحت یاب ہوگیا۔