پارلیمنٹ ،پی ٹی وی پر حملہ کرنے والے آزاد ،سیاسی جماعتوں کے کارکنان کو گرفتار کیا جارہا ہے ‘حسن مرتضیٰ

عمران خان کا جبر ہمارے لئے نیا نہیں ہے ، پاکستان پیپلزپارٹی کے کارکنان نے ہمیشہ جبر کا مقابلہ کیا ‘پارلیمانی لیڈر

بدھ 20 مارچ 2019 17:15

لاہور(اُردو پوائنٹ اخبارتازہ ترین - این این آئی۔ 20 مارچ2019ء) پیپلز پارٹی کے پنجاب اسمبلی میں پارلیمانی لیڈر و سیکرٹری اطلاعات سید حسن مرتضیٰ نے کہا ہے کہ پارلیمنٹ اور پی ٹی وی پر حملہ کرنے والے آزاد ہیں جبکہ سیاسی جماعتوں کے کارکنان کو گرفتار کیا جارہا ہے ۔

(جاری ہے)

انہوں نے اپنے جاری کردہ بیان میں کہا کہ پاکستان پیپلزپارٹی کے کارکنان نے ہمیشہ جبر کا مقابلہ کیا ، عمران خان کا جبر ہمارے لئے نیا نہیں ہے ، پیپلزپارٹی ملک کی سب سے بڑی جماعت ہے جس کے کارکنان سب سے زیادہ تربیت یافتہ ہیں ، ہمارے پرامن کارکنان کو گرفتار کرکے حکومت نے جو پیغام دیا ہے وہ سب کے سامنے ہے ، بلاول بھٹو زرداری ملک کے سب سے مقبول لیڈر ہیں، ان کی سیکورٹی حکومت کی ذمہ داری ہے ، پیپلزپارٹی نے ہمیشہ صبر و تحمل سے کام لیا اور آج بھی ہم صبر کا دامن تھامے ہوئے ہیں مگر ہم اپنا حق لینا جانتے ہیں، پیپلزپارٹی جمہوری جد وجہد پر یقین رکھتی ہے ، ہم ذوالفقارعلی بھٹو کے سپاہی ہیں جو آج عوام کے دلوں میں زندہ ہیں