میپکوٹاسک فورسز نے 70بجلی چورپکڑلئے ،18لاکھ سے زائدجرمانہ عائد

پیر 22 اپریل 2019 18:47

ملتان ۔22اپریل(اُردو پوائنٹ اخبارتازہ ترین - اے پی پی۔ 22 اپریل2019ء) میپکو ٹیموں نے ٹاسک فورسز کے ہمراہ آپریشن کرتے ہوئے جنوبی پنجاب میں ایک روز میں70بجلی چورپکڑلئے ۔ایک لاکھ17ہزار یونٹس بجلی چوری کرنے پر18لاکھ12ہزارروپے جرمانہ عائد ۔8بجلی چوروں کے خلاف مقدمات درج۔

(جاری ہے)

20اپریل2019؁ء کو ملتان، ڈی جی خان، بہاولپور، ساہیوال، رحیم یار خان، مظفرگڑھ ، خانیوال اور بہاولنگر میں65گھریلو صارفین میٹر باڈی ٹمپر، ڈائریکٹ سپلائی، میٹر میں لوپ لگاکر ، میٹر سلو، میٹر ڈیڈ سٹاپ اور میٹر سکرین واش کرکے بجلی چوری کرتے ہوئے پائے گئے ۔

انہیں 95ہزار594یونٹس چوری کرنے پر15لاکھ47ہزارروپے جرمانہ عائد کیاگیا اور مختلف پولیس اسٹیشنوں میں8بجلی چوروں کے خلاف ایف آئی آرز درج کروائی گئیں ۔ملتان اور خانیوال میںتین کمرشل صارفین کوایک ہزار511یونٹس چوری کرنے پر 35ہزارروپے جرمانہ، ملتان میں ایک صنعتی صارف کو631یونٹس چوری کرنے پر 12ہزارروپے جرمانہ اور خانیوال میں ایک زرعی ٹیوب ویل صارف کو19ہزار788یونٹس چوری کرنے پر 2لاکھ17ہزارروپے جرمانہ عائد کیاگیا۔