سید خورشید شاہ کی عثمان بزدار اور گورنر پنجاب کو ہٹائے جانے کی پیشگوئی

عثمان بزدار کی کمزوری کے باعث گورننس اور ترقیاتی کاموں پر اثر پڑا ہے، میڈیا سے گفتگو

جمعرات 25 اپریل 2019 20:30

سید خورشید شاہ کی عثمان بزدار اور گورنر پنجاب کو ہٹائے جانے کی پیشگوئی

اسلام آباد (اُردو پوائنٹ اخبارتازہ ترین - این این آئی۔ 25 اپریل2019ء) پاکستان پیپلز پارٹی کے مرکزی سید خورشید شاہ نے عثمان بزدار اور گورنر پنجاب کو ہٹائے جانے کی پیشگوئی کردی۔ جمعرات کو میڈیا سے بات چیت کے دور ان صحافی نے خورشید شاہ سے سوال کیاکہ پنجاب میں وزیر اعلیٰ یا گورنر میں سے کون جاتا ہوا نظر آرہا ہے ۔سید خورشید شاہ نے جواب دیا کہ وزیر اعلیٰ اور گورنر پنجاب ہٹ ہوں گے۔

(جاری ہے)

انہوںنے کہاکہ وزیر اعلی پنجاب کیلئے گورننس کے مسائل پیدا ہورہے ہیں، عثمان بزدار کی کمزوری کے باعث گورننس اور ترقیاتی کاموں پر اثر پڑا ہے۔انہوںنے کہاکہ پنجاب میں نو ماہ سے کوئی کام ہوتا ہوا نظر نہیں آیا۔انہوںنے کہاکہ وزیر اعلی پنجاب جاتے ہوئے نظر آرہے ہیں۔انہوںنے کہاکہ جس معاملے پر زیادہ تردیدیں آئیں اس میں کوئی ضرور ہوتی ہے۔انہوںنے کہاکہ اس سے قبل اسد عمر کو ہٹائے جانے والے معاملے پر بھی تردیدیں دی گئیں تھیں۔