میٹرو بس کے کرایوں میں اضافے کی سمری پنجاب کابینہ کی کمیٹی نے موخر کر دی

میٹرو بس ٹرانسپورٹ اتھارٹی کا دوبارہ سمری بنا کرپنجاب کابینہ کی کمیٹی کو بھجوانے کا فیصلہ

عثمان خادم کمبوہ اتوار 12 مئی 2019 13:31

لاہور(اردوپوائنٹ اخبار تازہ ترین۔12مئی2019ء) لاہور میٹرو بس کے کرایوں میں اضافے کی سمری پنجاب کابینہ کی کمیٹی نے موخر کر دی۔ پنجاب میٹرو بس ٹرانسپورٹ اتھارٹی نے میٹرو بس کے کرایوں میں اضافے کی سمری پنجا ب کابینہ کی کمیٹی کو بھجوائی تھی جس میں درخواست کی گئی تھی کہ میٹروبس کے کرایے میں اضافہ کیا جائے تاہم پنجا ب کابینہ کی کمیٹی نے اس درخواست کو موخر کر دیا ہے۔

اب میٹرو بس ٹرانسپورٹ اتھارٹی نے فیصلہ کیا ہے کہ کرایوں میں اضافے کی سمری ایک بار دوبارہ بنا کر پنجاب کابینہ کی کمیٹی کو بھجوائی جائے گی۔ ذرائع کے مطابق پنجاب کابینہ کی کمیٹی ہی کرایوں میں اضافے کی سمری منظور یا مسترد کرے گی۔

(جاری ہے)

لاہور میٹرو بس منصوبہ گزشتہ حکومت میں تعمیر کیا گیا تھا جس کے ذریعے روزانہ ہزاروں مسافر شاہدرہ سے گجومتہ تک صرف 20روپے میں سفر کرتے ہیں تاہم اب فیصلہ کیا گیا ہے کہ مسافروں سے سٹیشن اور فاصلے کے مطابق کرایہ لیا جائے گا یا ہر مسافر سے 40روپے کرایہ وصول کیا گائے گا، اس حوالے سے پنجاب میٹرو بس ٹرانسپورٹ اتھارٹی نے میٹرو بس کے کرایوں میں اضافے کی سمری پنجا ب کابینہ کی کمیٹی کو بھجوائی تھی جس میں درخواست کی گئی تھی کہ میٹروبس کے کرایے میں اضافہ کیا جائے تاہم پنجا ب کابینہ کی کمیٹی نے اس درخواست کو موخر کر دیا ہے اور اب میٹر بس اتھارٹی نے دوبارہ نئی سمری بھجوانے کا فیصلہ کیا ہے۔