عمران خان اور طاہر القادری کے خلاف توہین عدالت کی کاروائی کے لیے عدالت سے رجوع

لاہور(اردوپوائنٹ اخبارتازہ ترین-انٹرنیشنل پریس ایجنسی۔14 مئی۔2019ء) وزیر اعظم عمران خان اور عوامی تحریک کے سربراہ طاہر القادری کے خلاف توہین عدالت کی درخواست پر جلد سماعت کے لیے لاہور ہائی کورٹ سے رجوع کر لیا گیا ہے. معروف قانون دان اے کے ڈوگر نے لاہور ہائی کورٹ میں متفرق درخواست دائر کی ہے جس میں مرکزی کیس کی جلد سماعت کی استدعا کی ہے.

درخواست گزار کا کہنا ہے کہ عدالتی حکم کے باوجود عمران خان اور طاہر القادری نے لاہور سے اسلام آباد کی طرف دھرنا دیا، دونوں راہنماﺅں نے طویل دھرنا دے کر توہین عدالت کی.

(جاری ہے)

عدالتی احکامات کے منافی عمران خان اور طاہر القادری کے اسلام آباد میں دھرنا دینے ، عدالتی احکامات سے روگردانی کرنے پر ان راہنماﺅں کے خلاف توہین عدالت کی درخواست دائر کی گئی.

درخواست گزار نے موقف اختیار کیا ہے کہ ہائی کورٹ میں عمران خان اور طاہر القادری کے خلاف توہین عدالت کی درخواست زیر سماعت ہے، تاہم درخواست 3 ماہ سے سماعت کے لیے مقرر نہیں کی جاسکی. درخواست گزار نے استدعا کی ہے کہ توہین عدالت ایک اہم نوعیت کا معاملہ ہے، اس لیے عمران خان اور طاہر القادری کے خلاف درخواست جلد سماعت کے لیے مقرر کی جائے.

عدالتی احکامات سے روگردانی کرنے پر ان راہنماﺅں کے خلاف توہین عدالت کی درخواست دائر کی گئی. درخواست گزار نے موقف اختیار کیا ہے کہ ہائی کورٹ میں عمران خان اور طاہر القادری کے خلاف توہین عدالت کی درخواست زیر سماعت ہے، تاہم درخواست 3 ماہ سے سماعت کے لیے مقرر نہیں کی جاسکی. درخواست گزار نے استدعا کی ہے کہ توہین عدالت ایک اہم نوعیت کا معاملہ ہے، اس لیے عمران خان اور طاہر القادری کے خلاف درخواست جلد سماعت کے لیے مقرر کی جائے.