خیبرپختونخواہ میں پہلے چاند نظر آنے کا سلسلہ بہت پرانا ہے، یہ دینی معاملہ ہے جسے علمائے کرام پر چھوڑنا چاہیئے، گورنر سندھ عمران اسماعیل

حکومت نے رواں سال کوشش کی کہ ایک عید ہو مگر ایسا ممکن نہیں ہوسکا مگر آئندہ سال سے پورا ملک ایک ساتھ عید منائے گا، عید کے بعد صحافیوں سے گفتگو ہمیں قائداعظم کے افکارکا پرچارکرنا اور ملک کو مشکلات سے نکالنے کے لیے اجتماعی کوششیں کرناچاہئیں، میئر کراچی وسیم اختر

جمعہ 7 جون 2019 22:05

خیبرپختونخواہ میں پہلے چاند نظر آنے کا سلسلہ بہت پرانا ہے، یہ دینی ..

کراچی (اُردو پوائنٹ اخبارتازہ ترین - این این آئی۔ 07 جون2019ء) گورنر سندھ عمران اسماعیل نے کہا ہے کہ خیبرپختونخواہ میں پہلے چاند نظر آنے کا سلسلہ بہت پرانا ہے، یہ دینی معاملہ ہے جسے علمائے کرام پر چھوڑنا چاہیئے۔نمازِ عید کی ادائیگی کے بعد صحافیوں سے گفتگو کرتے ہوئے گورنر سندھ نے تمام پاکستانیوں کوعید کی مبارکبادی۔ انہوں نے کہا کہ حکومت نے رواں سال کوشش کی کہ ایک عید ہو مگر ایسا ممکن نہیں ہوسکا مگر آئندہ سال سے پورا ملک ایک ساتھ عید منائے گا۔

(جاری ہے)

ان کا کہنا تھا کہ کافی عرصے سے خیبرپختونخواہ میں عید اور رمضان کا چاند پہلے نظر آجاتا ہے، یہ ایک دینی معاملہ ہے جسے علمائے کرام پر چھوڑ دینا چاہیے۔گورنر سندھ نے کہا کہ پاکستان اس وقت کڑے امتحان سے گزررہاہے، وزیراعظم اوران کی فنانشل ٹیم پاکستان کیلئے محنت کر رہے ہیں اور جلد اس کے ثمرات قوم کو نظر بھی آئیں گے۔اس موقع پر میئر کراچی وسیم اختر نے کہا کہ ہمیں قائداعظم کے افکارکا پرچارکرنا اور ملک کو مشکلات سے نکالنے کے لیے اجتماعی کوششیں کرناچاہئیں۔انہوں نے کہاکہ سندھ حکومت نے عید کے موقع پر بلدیاتی ملازمین کو تنخواہ ادا نہیں کی جو بہت بڑا ظلم ہے۔