پاکستان نے انٹرنیشنل ملٹری ڈرل مقابلے جیت لیے،آئی ایس پی آر

برطانیہ میں ہونے والے ان مقابلوں میں پاکستان نے گزشتہ سال پہلی بار شرکت کی اور تب بھی کامیابی حاصل کی تھی، آئی ایس پی آر

عثمان خادم کمبوہ جمعرات 13 جون 2019 23:06

پاکستان نے انٹرنیشنل ملٹری ڈرل مقابلے جیت لیے،آئی ایس پی آر

راولپنڈی(اردوپوائنٹ اخبار تازہ ترین ۔ 13جون2019) پاک فوج کے شعبہ تعلقاتِ عامہ کے مطابق پاک فوج نے برطانیہ میں ہونے والے عالمی ملٹری ڈرل مقابلے جیت لیے ہیں۔ آئی ایس پی آر کے مطابق برطانیہ میں ہونے والے ان مقابلوں میں پاکستان نے گزشتہ سال پہلی بار شرکت کی اور تب بھی کامیابی حاصل کی تھی، اس طرح پاکستان نے رائل ملٹری اکیڈمی سینڈہرسٹ میں ہونے والے ان مقابلوں میں مسلسل دوسری بار کامیابی حاصل کی ہے۔

(جاری ہے)

آئی ایس پی آار کے مطابق پاکستان ملٹری اکیڈمی ٹیم نے ان مقابلوں میں پاکستان کی نمائندگی کی اور پاکستان کے لیے فتح سمیٹی۔

ان مقابلوں کو پیس سٹیکنگ کمیٹیشن کا نام دیا گیا ہے جو کہ ہر سال برطانیہ کی رائل ملٹری اکیڈمی سینڈہرسٹ میں منعقد ہوتے ہیں۔ پاکستان نے پہلی بار گزشتہ سال ان مقابلوں میں شرکت کی تھی اور تب پہلی بار شرکت کرنے کے باوجود کامیابی سمیٹی تھی اور اس سال پاکستان نے دوسری بار شمولیت اختیار کرنے پر دوبارہ ملٹری ڈرل میں کامیابی حاصل کی ہے۔