یونین کونسل بکوٹ سے ملحقہ گائوں پیخو نکر میں محکمہ اہلکاروں کی ملی بھگت، جنگلات کی بے دریغ کٹائی کا سلسلہ عروج پر

پیر 1 جولائی 2019 15:20

ایبٹ آباد ۔ یکم جولائی (اُردو پوائنٹ اخبارتازہ ترین - اے پی پی۔ 01 جولائی2019ء) گلیز فارسٹ ڈویژن یونین کونسل بکوٹ سے ملحقہ گائوں پیخو نکر میں محکمہ کے اہلکاروں کے ساتھ ملی بھگت کے ذریعے جنگلات کی بے دریغ کٹائی کا سلسلہ عروج پر پہنچ گیا ہے ۔

(جاری ہے)

مقامی عمائدین نے ٹمبر مافیا اور محکمہ کے ملوث اہلکاروں کے خلاف احتجاج کرتے ہوئے سیکرٹری جنگلات، چیف کنزویٹر اور ڈی ایف او گلیز سے مطالبہ کیا ہے کہ جنگل میں تعینات فارسٹ گارڈ اور چوکیدار کو فی الفور وہاں سے تبدیل کیا جائے اور ان کی ملی بھگت سے جو درخت کاٹے گئے ہیں ان کی تحقیقات کروا کر انہیں قرار واقعی سزا دی جائے ۔

مقامی عمائدین کے مطابق گزشتہ کئی ماہ سے یہ سلسلہ جاری ہے اور اب تک متعدد قیمتی درخت کاٹے جا چکے ہیں مگر محکمہ کے افسران کے علم میں ہونے کے باوجود ان کے خلاف کوئی کارروائی نہیں کی گئی ۔ ان کے خلاف کارروائی کر کے بکوٹ سے ملحقہ پیخو نکر کے جنگلات کو بچایا جائے۔

Facebook Twitter Google + Share on Whatsapp

یونین کونسل بکوٹ سے ملحقہ گائوں پیخو نکر میں محکمہ اہلکاروں کی ملی بھگت، جنگلات کی بے دریغ کٹائی کا سلسلہ عروج پر

متعلقہ عنوان :

مزید اہم خبریں