Live Updates

کے پی بجٹ کی منظوری پر پارٹی میں اختلافات ہیں ان کو ختم کریں گے

جنید اکبر اور علی امین دونوں معتبر ہیں، لیکن تارے توڑ نے والی باتوں سے عوام کو مایوسی ہوتی ہے، جنید اکبر کو کہا ہے پارٹی اختلافات کو باہر نہیں آنا چاہیئے۔ چیئرمین پی ٹی آئی بیرسٹر گوہر خان

ثنااللہ ناگرہ پیر 30 جون 2025 21:54

کے پی بجٹ کی منظوری پر پارٹی میں اختلافات ہیں ان کو ختم کریں گے

اسلام آباد ( اردوپوائنٹ اخبار تازہ ترین۔ آئی پی اے ۔ 30 جون 2025ء )چیئرمین پی ٹی آئی بیرسٹر گوہر خان نے کہا ہے کہ کے پی بجٹ کی منظوری پر پارٹی میں اختلافات ہیں ان کو ختم کریں گے،جنید اکبر اور علی امین دونوں معتبر ہیں ، لیکن تارے توڑ نے والی باتوں سے عوام کو مایوسی ہوتی ہے، جنید اکبر کو کہاپارٹی اختلافات کوباہر نہیں آنا چاہیئے۔ انہوں نے جیو نیوز کے پروگرام میں گفتگو کرتے ہوئے کہا کہ سپریم کورٹ کے مخصوص نشستوں کے فیصلے سے مایوسی ہوئی، یہ بالکل ٹھیک ہے کہ کسی بھی سیاسی جماعت کو اس کی جیتی سیٹوں سے زیادہ نشستیں نہیں ملیں گی۔

8فروری کو الیکشن ہوئے، 15فروری کو نتائج کے نوٹیفکیشن ہوئے اور ہم نے 19فروری کو الیکشن کمیشن میں درخواست جمع کرائی۔22فروری کو الیکشن کمیشن نے سب کو سیٹیں دینی تھیں، ہماری سیٹیں بعد میں دوسری جماعتوں بانٹ دی گئیں۔

(جاری ہے)

فیصلے کے بعد سیٹیں دوسری جماعتوں کو مل جائیں گی۔ کے پی میں جتنی سیٹیں ن لیگ، پیپلزپارٹی ، جے یوآئی نے جیتی ہیں مخصوص نشستیں اس سے بھی زیادہ ہوجائیں گے۔

اپوزیشن جماعتوں کی مخصوص نشستوں کے بعد وزیراعلیٰ گنڈاپور کیخلاف کوئی کوشش کامیاب نہیں ہوگی،پی ٹی آئی آئین قانون پر یقین رکھتی ہے اسٹیٹس کو پر نہیں۔ کے پی کے اسمبلی کے ایم پی ایز سنی اتحاد کونسل میں ہیں وہ ٹوٹ کر نہیں جائیں گے ، یہ ارکان پی ٹی آئی کے ساتھ ڈٹ کر کھڑے رہیں گے۔ علی امین گنڈاپور کے خلاف تحریک عدم اعتماد کامیاب نہیں ہوگی، تحریک عدم اعتماد لانے کا شوق پورا کرلیں ہم ڈٹ کر مقابلہ کریں گے، پی ٹی آئی ارکان اسمبلی اس کو ناکام بنائیں گے۔ہماری جیتی سیٹیں بانٹی گئیں، ہمیں سپریم کورٹ کے فیصلے پر مایوسی ہوئی، ہمارے ساتھ غلط ہوا، خیبرپختونخواہ میں پی ٹی آئی کے ایم پی ایز کسی جماعت میں نہیں جائیں گے۔