قطر نے پاکستان کو پرانے ایئرپورٹس کی تعمیر میں معاونت کرنے کی پیشکش کر دی

اسلام آباد (اردواپوائنٹ اخبار تازہ ترین۔14جولائی2019) قطر نے پاکستان کو پرانے ایئرپورٹس کی تعمیر میں معاونت کرنے کی پیشکش کر دی ہے۔ امیرِ قطر نے پیشکش کی ہے کہ پرانے ایئرپورٹس کو قطری ایئرپورٹس کی طرز پر بنایا جا سکتا ہے۔ انہوں نے تجویز دی ہے کہ پرانے ایئرپورٹس کی تعمیرِ نو کو آوٴٹ سورس کیا جائے اور قطر اس معاملے میں معاونت کے لیے تیار ہے اور ان ایئر پورٹس کو قطری ایئرپورٹس کی طرز پر بنایا جا سکاتا ہے۔

حکومتی ذرائع کے مطابق قطرنے ایئرپورٹس کی تعمیر کے لیے تکنیکی اور مالی معاونت فراہم کرنے کی پیشکش کی ہے۔ حکومتی ذرائع کے مطابق امیرِ قطر نے اپنے پاکستان کے دورے کے دوران وزیراعظم عمران خان کو یہ پیشکش کی تھی جس پر وزیراعظم نے اس پیشکش کو سراہا تھا اور اب وزیراعظم نے اس حوالے سے مشاورت کے لیے اہم اجلاس کل طلب کر لیا ہے۔

(جاری ہے)

یہ اجلاس کل ہو گا اور اس میں وزیرِ ہوابازی اور سول ایوی ایشن حکام سمیت اہم عہدیدار شامل ہوں گے۔

حکومتی ذرائع کے ماطابق قطر کی معاونت سے ایئر پورٹس کی تعمیر کے بعد پاکستان کے ایئر پورٹس دنیا کے خوبصورت ترین ائیرپورٹس میں شمار ہوں گے۔ حکومتی ذرائع کے مطابق قطر پاکستان کے پرانے ائیرپورٹس کو جدید ٹیکنالوجی اور جدید ڈیزائن سے بدل دے گا۔ اب اس حوالے سے وزیراعظم نے مشاورتی اجلاس طلب کر لیا ہے جس میں حتمی فیصلہ کیا جائے گا۔ یاد رہے کہ جون میں امیر قطر شیخ تمیم بن حمد الثانی نے پاکستان کا دورہ کیا تھا جس میں پاکستان کے قطر کے ساتھ کئی معاہدے بھی طے پائے تھے اور قطر نے جے ایف 17تھڈر طیارے خریدنے میں بھی دلچسپی لی تھی اور اب حکومتی ذرائع نے بتایا ہے کہ انہوں نے پاکستان کو پرانے ایئرپورٹس کی تعمیر میں معاونت کرنے کی پیشکش بھی کی تھی۔