مرید عباس کی قتل سے دو روز قبل انویسٹر سے گفتگو سوشل میڈیا پر وائرل ہوگئی

عاطف جھوٹ بولتا، فلمی کہانیاں سنا رہا ہے لیکن اس سے اپنا منافع مانگتا رہوں گا، لوگوں کو پیسے واپس کرنے ہیں،سرمایہ کار سے مقتول کی آڈیو گفتگو

منگل 16 جولائی 2019 17:21

مرید عباس کی قتل سے دو روز قبل انویسٹر سے گفتگو سوشل میڈیا پر وائرل ..

کراچی (اُردو پوائنٹ اخبارتازہ ترین - این این آئی۔ 16 جولائی2019ء) کراچی کے علاقے ڈیفنس میں قتل ہونے والے اینکر پرسن مرید عباس کی قتل سے دو روز قبل انویسٹر سے گفتگو سوشل میڈیا پر وائرل ہوگئی۔تفصیلات کے مطابق ایک سرمایہ کار کی مقتول مرید عباس کے ساتھ گفتگو کی آڈیو ریکارڈنگ منظر عام پر آئی ہے، جس میں مرید عباس کہتے سنائی دے رہے ہیں کہ عاطف جھوٹ بولتا، فلمی کہانیاں سنا رہا ہے لیکن اس سے اپنا منافع مانگتا رہوں گا، لوگوں کو پیسے واپس کرنے ہیں۔

(جاری ہے)

سرمایہ کار کے ایک سوال کے جواب میں مرید عباس نے کہا کہ عاطف جھوٹ بولتا رہا کہ وہ ناران، کاغان میں ہے لیکن جب خضر حیات کی مدد سے اس کی لوکیشن ٹریس کروائی تو وہ حب اور بعد میں ایبٹ آباد ٹریس ہوئی۔اس کے علاوہ مرید عباس کہتے سنائی دے رہے ہیں کہ عاطف زمان کہتا ہے اس پرفائرنگ ہوئی جبکہ وہ بہت جھوٹ بولتا ہے،فلمی کہانیاں گھڑتا ہے۔مرید عباس نے سرمایہ کار کو بتایا کہ عاطف زمان نے خضرسے پندرہ لاکھ ادھارلیے تھے جواس نے واپس کردیئے۔