وزیراعظم عمران خان کا میانوالی ایکسپریس کے اجراء پر وفاقی وزیر ریلوے شیخ رشید احمد کا شکریہ

میانوالی ایکسپریس سے میانوالی کے لوگوں کو ایک بہترین سفری سہولت میسر آئے گی

جمعہ 19 جولائی 2019 19:21

وزیراعظم عمران خان کا میانوالی ایکسپریس کے اجراء پر وفاقی وزیر ریلوے ..

میانوالی ۔ (اُردو پوائنٹ اخبارتازہ ترین - اے پی پی۔ 19 جولائی2019ء) وزیراعظم عمران خان نے میانوالی ایکسپریس کے اجراء پر وفاقی وزیر ریلوے شیخ رشید احمد کا شکریہ ادا کیا ،میانوالی ایکسپریس سے میانوالی کے لوگوں کو ایک بہترین سفری سہولت میسر آئے گی ۔

(جاری ہے)

جمعہ کو میانوالی میں میانوالی ایکسپریس کی افتتاحی تقریب سے خطاب کر تے ہوئے وفاقی وزیر ریلوے شیخ رشید احمد نے کہا کہ شیخ رشید احمد کا شکریہ ادا کیا جنہوں نے میانوالی ایکسپریس کا اجراء کیا ہے ،1990کے بعد میانوالی کے لوگوں کا براہ راست جانا ناممکن تھا ۔

انہوں نے کہا کہ ہمارا مقصد عام آدمی کے لئے آسانیاں پیدا کرنا ہے ،ٹرین کا سفر عام آدمی کا سفر ہے ، پہلا سال بہت مشکل تھا ،پیسے کی کمی تھی ،حکومت ملی تو ملک مقروض تھا ،اب آسانیاں پیدا ہورہی ہیں ۔انہوں نے کہا کہ انگریز کے جانے کے بعد کسی نے ریلوے سسٹم پر توجہ نہیں دی ، ایم ایل ون چین کے ساتھ ایم او یو سائن کیا ہے جس کی وجہ سے کراچی تا لاہور ،پشاور سفر آدھے سے کم ہوجائے گا ۔