عمران خان کو ہم منہ نہ لگائیں، ڈیل تو بہت دور کی بات ہے،طلال چوہدری

ایسی ڈیل ہمارے جوتے کی نوک پر ہے جس میں عمران خان شامل ہو،رہنما (ن) لیگ

ہفتہ 20 جولائی 2019 20:03

عمران خان کو ہم منہ نہ لگائیں، ڈیل تو بہت دور کی بات ہے،طلال چوہدری

اسلام آباد (اُردو پوائنٹ اخبارتازہ ترین - آن لائن۔ 20 جولائی2019ء) مسلم لیگ ن کے رہنما طلال چوہدری نے کہا کہ عمران خان کو تو ہم منہ لگانا بھی پسند نہیں کرتے ڈیل تو بہت دور کی بات ہے۔ ایسی ڈیل ہمارے جوتے کی نوک پر ہے جس میں عمران خان ہو۔

(جاری ہے)

نجی ٹی وی سے گفتگو کرتے ہوئے طلال چوہدری کا کہنا تھا کہ وہ آدمی جو خود سہاروں کا متلاشی ہو، جو خود کٹھ پتلی ہو ، جو خود دوسروں کی طرف دیکھتا ہو اور سوچتا ہو کہ اب میں نے فیصلہ کیا کرنا ہے اور جو کوئی فیصلہ کرے اور اپنے اٴْسی فیصلے کو بارہ گھنٹے کے بعد بدل دے۔

جس کا وزیر داخلہ اور وزیر خزانہ اپنا نہ ہو ، جس کی آدھی کابینہ اپنی نہ ہو۔ اٴْس کا کیا اختیات ہے وہ تو کٹھ پتلی ہے ، اس سے کوئی کیا مذاکرات کرے گا پاکستان میں کوئی آخری بے وقوف شخص ہی ہو گا جو عمران خان سے ڈیل کرنے کی کوشش کرے گا۔عمران خان نالائق ہے ، نا اہل ہے ، سیلیکٹڈ ہے اور ہم اس کو ایکسپوز کریں گے اور کرتے رہیں گے بے شک ہم سارے کے سارے گرفتار ہو جائیں۔