وفاقی وزیر سید علی زیدی نے وزیراعظم عمران خان کے امریکی دورہ کو تاریخی قرار دے دیا

بدھ 24 جولائی 2019 01:20

اسلام آباد ۔ (اُردو پوائنٹ اخبارتازہ ترین - اے پی پی۔ 24 جولائی2019ء) وفاقی وزیر برائے میری ٹائم افیئرز سید علی حیدر زیدی نے وزیراعظم عمران خان کے امریکی دورہ کو تاریخی اور سود مند قرار دے دیا ۔ انہوں نے منگل کو ایک نجی نیوز چینل سے بات چیت کرتے ہوئے کہا کہ عمران خان نے امریکی صدر ڈونالڈ ٹرمپ کے ساتھ کشمیر، افغانستان سمیت دیگر تمام مسائل پر بات چیت کی۔

(جاری ہے)

وزیر نے کشمیر کے تنازعہ کے بارے میں ٹر مپ کی ثالثی کی پیشکش کو بھی سراہا۔ انہوں نے کہا کہ امریکہ اور پاکستان دونوں اچھے تعلقات سے مستفید ہورہے ہیں۔ انہوں نے مزید کہا کہ یہ دورہ دونوں ممالک کے درمیان دو طرفہ تعلقات کو مزید فروغ دے گا۔ انہوں نے کہا کہ ڈونلڈ ٹرمپ نے وزیر اعظم کی پاکستان کا دورہ کرنے کی دعوت قبول کرلی ہے۔ انہوں نے پاکستان اور امریکہ کے درمیان تعلقات کو مزید مضبوط بنانے کے لئے عوام کے عوام کی سطح پر رابطے بہتر بنانے کی ضرورت پر زور دیا۔