عمران خان نے ملک سے کرپشن کے خاتمے کا تہیہ کر رکھا ہے،بیرسٹر خالد نثار ڈوگر

ملکی خزانے کو لوٹنے والے قانون کی گرفت میں آنے کے بعد سیاسی انتقام کا نشانہ بنا نے کا پروپیگنڈہ کررہے ہیں، خطاب

ہفتہ 24 اگست 2019 21:20

بورے والا(اُردو پوائنٹ اخبارتازہ ترین - آن لائن۔ 24 اگست2019ء) پی ٹی آئی رہنما اور سابق امیدوار صوبائی اسمبلی بیرسٹر خالد نثار ڈوگر نے کہا ہے کہ پی ٹی آئی کے قائد وزیراعظم عمران خان نے ملک سے کرپشن کے خاتمے کا تہیہ کر رکھا ہے، ملکی خزانے کو لوٹنے والے قانون کی گرفت میں آنے کے بعد سیاسی انتقام کا نشانہ بنا نے کا پروپیگنڈہ کررہے ہیں۔

(جاری ہے)

ان خیالات کا اظہار انہوں نے گذشتہ روز چک نمبر 435ای بی میں اہل علاقہ سے خطاب کرتے ہوئے کیا،اس موقع پر رحمت علی ڈوگر نمبرداراور چوہدری محمد امین گھمن نے اپنے ساتھیوں سمیت پاکستان تحرک انصاف میں شمولیت کا اعلان کیا،اس موقع پر امجد جٹ،ندیم سندھو ایڈووکیٹ،چوہدری احسن اللہ گھمن اور دیگر بھی موجود تھے تقریب سے تیمور سکندر ڈوگر نے بھی خطاب کیا،سردار خالد نثار ڈوگر نے کہا کہ وہ پی ٹی آئی کے قائد وزیراعظم عمران خان کی ہدایت پر عوامی مسائل کے حل کے لئے کاوشیں کر رہے ہیں ان کی دیاست کا محور عوامی خدمت ہے،انہوں پی ٹی آئی میں شمولیت اختیار کر نے والوں خوش آمدید کہتے ہوئے کہا کہ وہ ان کے ساتھ ملکر حلقہ کے لوگوں کے مسائل کرنے کیلئے اپنی تمام صلاحیتیں بروئے کار لائیں گے