منی لانڈرنگ کیس: سلمان شہباز کی جائیداد ضبط کرنے کا حکم

سلمان شہباز گرفتاری کے ڈر سے فرار ہو چکے ہیں، نیب کا احتساب عدالت میں موقف .عدالت نے نیب کو سلمان شہباز کو اشتہاری قرار دینے کے لیے کارروائی کرنے اشتہارات شائع کرنے کا حکم ،30 ستمبر تک جائیداد ضبط کرنے کے حوالے سے رپورٹ طلب کرلی

جمعہ 30 اگست 2019 23:34

لاہور(اُردو پوائنٹ اخبارتازہ ترین - آن لائن۔ 30 اگست2019ء) لاہور کی احتساب عدالت نے منی لانڈرنگ کیس میں شہباز شریف کے صاحبزادے سلمان شہباز کی جائیداد ضبط کرنے کا حکم دے دیا۔نیب کی جانب سے عدالت میں سلمان شہباز کی جائیداد قرقی کے لیے درخواست پر احتساب عدالت کے ایڈمن جج ملک امیر محمد خان نے کیس کی سماعت کی.سماعت کے دوران نیب کے خصوصی استغاثہ حافظ اسد اللہ اور حارث قریشی نے دلائل دیے۔

نیب نے عدالت میں موقف اپنایا کہ سلمان شہباز گرفتاری کے ڈر سے فرار ہو چکے ہیں۔

(جاری ہے)

ان کا کہنا تھا کہ پولیس کی ٹیم نے لاہور میں سلمان شہباز کے گھر پر چھاپہ مارا لیکن سلمان شہباز موجود نہیں تھے۔نیب کی عدالت سے استدعا کی کہ سلمان شہباز نیب تحقیقات میں شامل نہیں ہو رہے لہذا جائیداد ضبط کرنے کا حکم دیا جائے۔عدالت نے نیب کو سلمان شہباز کو اشتہاری قرار دینے کے لیے کارروائی کرنے اور اشتہارات شائع کرنے کا حکم بھی دیا اور 30 ستمبر تک جائیداد ضبط کرنے کے حوالے سے رپورٹ طلب کرلی۔واضح رہے کہ منی لانڈرنگ اور آمدن سے زائد اثاثوں کے کیس میں نیب نے شہباز شریف کے بڑے بیٹے حمزہ شہباز کو پہلے ہی گرفتار کر رکھا ہے اور ان کے جسمانی ریمانڈ میں کئی بار توسیع کی جاچکی ہے۔

Facebook Twitter Google + Share on Whatsapp

منی لانڈرنگ کیس: سلمان شہباز کی جائیداد ضبط کرنے کا حکم

متعلقہ عنوان :

مزید قومی خبریں