خواب میں خود کو انگوٹھی نگلتا دیکھنے والی خاتون اسے حقیقت میں نگل چکی تھی

امین اکبر پیر 16 ستمبر 2019 23:56

کیلیفورنیا سے تعلق رکھنے والی ایک خاتون نے رات کو سوتے ہوئے خواب دیکھا کہ وہ اپنی منگنی کی انگوٹھی کو چوروں سے بچانے کے لیے نگل جاتی ہیں۔ تاہم جاگنے پر معلوم ہوا کہ انہوں نے یہ انگوٹھی خواب میں نہیں بلکہ حقیقت میں نگلی تھی۔
سان ڈیاگو کی جینا ایوانز نے بتایا کہ انہوں منگل کی رات کو خواب دیکھا۔ خواب میں اُن کے منگیتر بوبی ہویل نے ایک تیز رفتار ریل میں انہیں کہا کہ کچھ برے لوگوں سے منگنی کی انگوٹھی کی حفاظت کے لیے اسے نگل لو۔

(جاری ہے)

جینا نے بتایا کہ جب وہ جاگی تو انگوٹھی ان کے ہاتھ میں نہیں تھی لیکن انہیں پتا چل گیا تھا کہ یہ کہاں ہو سکتی ہے، یہ اُن کے معدے میں تھی۔
جینا اگلے دن ہسپتال پہنچی جہاں ایکسرے سے تصدیق ہوئی کہ انگوٹھی ہضم ہو کر ان کے معدے میں پہنچ چکی ہے۔
ڈاکٹروں نے اپر انڈوسکوپی سے انگوٹھی کو جینا کے پیٹ سے نکال لیا، جو پیٹ کے درد کا بھی باعث بن رہی تھی۔سرجری کی کامیابی کے بعد ڈاکٹروں نے انگوٹھی جینا کو واپس کی، جنہوں نے اسے واپس انگوٹھی میں پہنچ لیا۔جینا نے بتایا کہ انگوٹھی واپس ملنے پر وہ بہت خوش ہیں۔

Facebook Twitter Google + Share on Whatsapp

خواب میں خود کو انگوٹھی نگلتا دیکھنے والی خاتون اسے حقیقت میں نگل چکی تھی

مزید عجیب و غریب خبریں