ماحول دوست جوڑا اپنی شادی پر حادثوں میں مرنے والے جانوروں کو پکانے کے لیے باورچی کی تلاش میں ہے
امین اکبر ہفتہ 21 ستمبر 2019 23:51
پچھلے گرما میں برطانوی میڈیا میں ملازمت کا ایک دلچسپ اشتہار شائع ہوا۔ یہ اشتہار ایسے باورچی کی تلاش میں ہے جو اُن کی شادی پر سڑکوں پر حادثوں میں مرنے والے جانوروں کو پکا سکے۔ ایسے باورچی کو اس کام کے 5 ہزار پاؤنڈ دئیے جائیں گے۔ یہ اشتہار برطانیہ کی لوکل مارکیٹنگ ویب سائٹ بارک ڈاٹ کام پر شائع ہوا تھا۔ اس غیر معمولی اشتہار میں بتایا کہ اس جوڑے نے سڑکوں پر مرنے والے 20 کلو جانور حاصل کر لیے ہیں، اب یہ ایسے باورچی کی خدمات چاہتے ہیں جو ان جانوروں کی کھال اتار سکے اور گوشت کو اس طرح کاٹ سکے کہ کسی کو ان جانوروں کے سڑکوں پر مرنے کا علم نہ ہو سکے۔
اس جوڑے نے جو جانور حاصل کیے ہیں، ان میں گلہری، تیتر( دُرَّاج) ، خرگوش، چکور اور ہرن شامل ہیں۔اس جوڑے کا کہنا ہے کہ یہ کام ایسا نہیں جو ایک اوسط درجے کا باورچی کر سکے تاہم انہیں امید ہے کہ کوئی ماحول دوست باورچی ضرور ان کی مدد کرے گا۔
(جاری ہے)
اس جوڑے نے اشتہار میں لکھا کہ انہوں نے شادی میں شرکت کرنے والے 30 مہمانوں کے لیے سڑکوں پر مرنے والے 20 کلوگرام جانور فریزر میں جمع کر لیے ہیں۔
اپنے اشتہار میں اس جوڑے نے بتایا کہ وہ پچھلے تین سالوں سے سڑکوں پر مرنے والے جانوروں کا گوشت کھا رہے ہیں تاکہ خوراک کا ضیاع نہ ہو اور وہ نہیں چاہتے کہ اُن کے اصول شادی کے دوران بدل جائیں۔بارک ڈاٹ کام کے شریک بانی کائی فیلر کا کہنا ہے کہ ملازمت کا یہ اشتہار غیرروایتی تھا۔انہوں نے بتایا کہ انہوں نے اس کام کے لیے مکمل پیشہ ور شخص کا انتظام کردیاہے، جس پر انہیں فخر ہے۔
اگرچہ برطانیہ میں سڑکوں پر حادثات میں مارے جانے والے جانور کھانا بالکل قانونی ہے لیکن شادی کی تقریب میں مہمانوں کی لاعلمی میں انہیں حادثوں میں مرنے والے جانور کھلانا اخلاقی سوال ضرور کھڑے کرتا ہے۔
مزید عجیب و غریب خبریں
-
ہتھیائی رقم ہڑپ کرنے کیلئے اپنے اغواء اور قتل کا ڈرامہ رچانے والا شخص پکڑا گیا
-
ویتنام،مریض کے پیٹ سے زندہ مچھلی برآمد
-
امریکہ، چوہوں کا پولیس ہیڈ کوارٹر پردھاوا، بھنگ کھانے کے عادی ہوگئے
-
آسٹریلیا، گالف گیم کے دوران کینگروز کے بڑے جھنڈ نے دھاوا بول دیا
-
جرمن باشندے نے کورونا ویکسین 217 بارلی
-
ایلون مسک پیچھے رہ گئے‘ ایمازون کے بانی جیف بیزوز دنیا کے امیر ترین شخص قرار
-
کھلونا گاڑی کی تیز رفتاری کا عالمی ریکارڈ قائم
-
وصیت کے مطابق تدفین سے قبل پروفیسر کی لاش کا اردن یونیورسٹی کا طواف
-
دبئی ایئرپورٹ پر کاسمیٹک سرجری والے مسافروں کو روکا جانے لگا
-
دنیا کے سب سے بڑے ڈینٹل ہسپتال کا ورلڈ ریکارڈ سعودی عرب کے نام
-
سعودی عرب میں بنی جدید ترین سکیورٹی کار نمائش کیلئے پیش
-
ہالی ووڈ لیجنڈ رابرٹ ڈی نیرو کے 80 سال کی عمر میں باپ بننے کی تصدیق
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.