علماء اورآئمہ کرام چھاتی کے سرطان سے متعلق عوامی سطح پر آگاہی پیدا کرنے کے حوالے سے اپنی سماجی ذمہ داری پوری کریں،
ملک میں ایک کروڑ سے زائد خواتین کو چھاتی کے سرطان کا خطرہ ہے، بچے کو ماں کا دودھ پلانے سے چھاتی کے سرطان کا امکان کم ہو جاتا ہے صدر مملکت ڈاکٹر عارف علوی کا چھاتی کے سرطان سے متعلق منعقدہ تقریب سے خطاب
پیر 7 اکتوبر 2019 19:29
(جاری ہے)
وزیراعظم عمران خان نے اقتدار میں آنے کے بعد اپنی پہلی تقریر میں بھی خواتین اور بچوں کے لئے خوراک کی کمی کے مسئلے کو اجاگر کیا۔
صدر مملکت نے کہا کہ پاکستان جیسے ممالک میں آبادی میں اضافہ بڑا مسئلہ ہے، پاکستان میں آبادی کے اضافہ کے حوالے سے بات نہیں کی جاتی حالانکہ اس حوالے سے بھی شعور اجاگر کرنے کی ضرورت ہے۔ انہوں نے کہا کہ پاکستان کی ایک کروڑ سے زائد خواتین کو چھاتی کے سرطان کا خطرہ ہے، اس مرض سے بچائو کے لئے خواتین میں آگاہی پیدا کرنے کی ضرورت ہے، بچے کو ماں کا دودھ پلانے سے چھاتی کے سرطان کا امکان کم ہو جاتا ہے۔ انہوں نے خواتین پر زور دیا کہ وہ ہر ماں اپنا معائنہ خود کریں، گلٹی کا شبہ ہو تو ڈاکٹر کو چیک کروائیں اور چھاتی کا ایکسرے کروائیں۔صدر مملکت نے کہا کہ کسی ایک شخص کی جان بچانے سے مغفرت کا راستہ کھل سکتا ہے۔انہوں نے کہا کہ ٹی وی کے صبح کے پروگراموں میں بالخصوص ماہ اکتوبر میں چھاتی کے سرطان سے متعلق آگاہی پیدا کی جانی چاہیے۔ میڈیا کو سماجی مسائل کیلئے وقت مختص کرنا چاہیے۔انہوں نے کہا کہ مساجد سماجی مسائل کے حل کا مرکز ہونی چاہیے،علماء اور آئمہ کرام پولیو صحت اور آبادی جیسے سماجی مسائل سے متعلق آگاہی پیدا کرنے میں اپنا کردار ادا کریں،اس حوالے سے اسلامی نظریاتی کونسل کو بھی خط لکھا ہے ۔انہوں نے کہا کہ اگلے ماہ سے پولیو سے متعلق آگاہی مہم شروع کی جارہی ہے خیبر پختونخوا سمیت بعض علاقوں میں پولیو کے کیسز سامنے آئے ہیں ان پر قابو پانے کیلئے فوری اور موثر اقدامات کررہے ہیں۔انہوں نے کہا کہ انتخابی مہم کے دوران صحت اور تعلیم کے حوالے سے بات کی ارکان قومی اسمبلی کو بھی اپنی سماجی ذمہ داری پوری کرنی چاہیے اور ان مسائل کے حل کیلئے اپنا کردار ادا کرنا چاہیے۔صدر مملکت نے کہا کہ نیا پاکستان بنانے کیلئے ہمیں اس حوالے سے اپنے دل میں درد پیدا کرنا ہوگا ،نیا پاکستان میں لوگوں کو صحت کی سہولیات ملنی چاہیے ،حکومت نے اس حوالے سے احساس پروگرام شروع کیا ہے، پناہ گاہیں قائم کی ہیں اور لنگر خانے شروع کئے ہیں، اسلام میں ہمسایوں سے اچھے سلوک کی تلقین کی گئی ہے۔انہوں نے کہا کہ ریاست مدینہ کا قیام صرف وزیراعظم کی ذمہ داری نہیں ہے اس کیلئے ہم سب اپنا اجتماعی کردار ادا کرنا ہوگا۔ ریاست مدینہ میں پوری توجہ عوام کی بھلائی پر تھی۔ انہوں نے کہا کہ قرآن پاک میں بھی بچوں کو دو سال ماں کا دودھ پلانے کی تلقین کی گئی ہے کیوں کہ اللہ تعالیٰ نے ماں کے دودھ میں غذائیت کا خزانہ رکھا ہے۔انہوں نے کہا کہ جاپانی کمپنی موری ناگا پاکستان میں دودھ کے شعبہ میں بڑی سرمایہ کاری کرنے والی ہے،کمپنی کے عہدیداروں سے ملاقات کے دوران ان سے ماں کی صحت اور بچے کی غذائیت کے حوالے سے شعور اجاگر کرنے پر بات کی ہے۔انہوں نے کہا کہ پاکستان اور سری لنکا کے درمیان آخری کرکٹ میچ کے دوران چھاتی کے سرطان سے متعلق آگاہی پیدا کرنے کیلئے اقدامات کئے جائیں گے۔ اس موقع پر خاتون اول بیگم ثمینہ عارف علوی نے خطاب کرتے ہوئے چھاتی کے سرطان کی علاقات اس سے بچائو اور آگاہی سے متعلق اقدامات کو اجاگر کیا۔تقریب کے دوران شوکت خانم کینسر ہسپتال کے عہدیداروں نے چھاتی کے سرطان سے متعلق پریذینٹیشن دی۔اس موقع پر وزیراعظم کی معاون خصوصی برائے اطلاعات ونشریات ڈاکٹر فردوس عاشق اعوان سمیت ارکان پارلیمنٹ کی بڑی تعداد بھی موجود تھی۔مزید اہم خبریں
-
انوارالحق کاکڑ اور حنیف عباسی کی تکرار درحقیقت قومی خزانے کی چوری میں ملوث کرداروں کا اعتراف جرم ہے
-
پی ٹی اے نے ٹیکس ریٹرن فائل نہ کرنے والوں کی موبائل سمز بلاک کرنے کی تجویزمستردکردی
-
ایک اور آٹو کمپنی کا گاڑی کی قیمت میں لاکھوں روپے کی کمی کا اعلان
-
گرمیوں کے آغاز پر عوام پر نیا "بجلی بم" گرانے پر غور
-
چیف جسٹس کی مدت ملازمت میں توسیع شرم ناک عمل ہو گا
-
صنعت کار انڈسٹری لگائیں ، منافع کمانا آپ کا حق ہے‘بجٹ میں صنعتی پالیسی لا رہے ہیں.رانا تنویر حسین
-
ملک کو درپیش چیلنجز سے نمٹنے کے لیے مل کر کام کرنا ہوگا، 27سو ارب کے محصولات کی ریکوری کیلئے قانون بن چکا ہے ، ملک موجودہ محصولات سے تین گنا زیادہ محصولات اکٹھا کرنے کی صلاحیت رکھتا ہے،محمد شہبا ز ..
-
سعودی عرب زراعت ، معدنیات، آئی ٹی،آئل ریفائنری ، سولر، پاورڈسٹری بیوشن اورپاور پروڈکشن میں سرمایہ کاری کرنے میں دلچسپی رکھتا ہے.وفاقی وزیرپیٹرولیم
-
ریونیوکلیکشن سب سے بڑا چیلنج ہے، سالانہ وصولیوں کا ہدف تین سے چار گنا کرپشن ،فراڈ اور لالچ کی نظر ہورہا ہے. شہبازشریف
-
بلاول بھٹو نے وزیراعظم سے ملاقات میں کابینہ میں شامل ہونے کیلئے مثبت جواب دیا
-
چیف جسٹس کی مدت کا فکس ہونا عدالت کے وسیع تر مفاد میں ہے
-
حافظ نعیم الرحمن سے محمود اچکزئی، اسد قیصر کی ملاقات، احتجاجی تحریک میں شمولیت کی دعوت قبول کر لی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.