کھلاڑیوں کو اپنی فٹنس برقرار رکھنے اور سپر فٹ رہنے کے لیے غذا پر توجہ دینا نہایت اہم ہے

بدقسمتی سے ملک میں کھلاڑیوں کی اکثریت کے پاس اتنے وسائل نہیں ہیں کہ وہ بہتر غذا لے سکیں: ماہر غذائیات جویریہ محمود

محمد علی ہفتہ 12 اکتوبر 2019 00:35

کھلاڑیوں کو اپنی فٹنس برقرار رکھنے اور سپر فٹ رہنے کے لیے غذا پر توجہ ..

لاہور (اُردو پوائنٹ اخبارتازہ ترین۔ 09 اکتوبر2019ء) ماہر غذائیات جویریہ محمود کا کہنا ہے کہ کھلاڑیوں کو اپنی فٹنس برقرار رکھنے اور سپر فٹ رہنے کے لیے غذا پر توجہ دینا نہایت اہم ہے۔ بدقسمتی سے ملک میں کھلاڑیوں کی اکثریت کے پاس اتنے وسائل نہیں ہیں کہ وہ بہتر غذا لے سکیں۔ جو وسائل رکھتے ہیں ان میں شعور کی کمی ہے۔ عالمی معیار کی فٹنس کا حصول اچھی اور مناسب غذا کے بغیر ممکن نہیں ہے۔

پلیئرز کو یہ پتہ ہونا چاہیے کہ انہوں نے کس وقت کیا کھانا ہے۔ پروٹین کی کتنی مقدار کی ضرورت ہے کون سی اشیاء جلد توانائی بحال کرتی ہیں۔ اس بارے میں پلیئرز کو مکمل آگاہی ہونی چاہیے۔ ہمارا مسئلہ یہ بھی ہے کہ کھیلوں کی تنظیموں کے پاس بھی اتنے وسائل نہیں کہ وہ کھلاڑیوں کے لیے سائنسی اصولوں کے مطابق غذا کا بندوبست کر سکیں۔

(جاری ہے)

ہر شخص کو اپنی غذا کے بارے مکمل آگاہی ہونی چاہیے کھلاڑیوں کا کام مختلف ہے ان کے کھانے میں کسی قسم کی کوتاہی نہیں ہونی چاہیے۔

دنیا بھر میں اتھلیٹس کی غذا پر بھرپور توجہ دی جاتی ہے۔ بہتر فٹنس اور انجری سے جلد ریکوری بھی اچھے ڈائٹ پلان کے بغیر ممکن نہیں ہے۔ پاکستان میں ایسے لوگوں کی تعداد کم ہے جو اچھی غذا خریدنے کی صلاحیت رکھتے ہیں جو صلاحیت رکھتے ہیں ان میں شعور کی کمی ہے۔ جب تک کم عمری سے ہی اچھی غذا پر توجہ نہیں دی جائے گی۔ نشوونما بری طرح متاثر ہوتی ہے۔ نوجوان نسل کا رجحان جنک فوڈ کی طرف ہے۔ اس وجہ سے صحت کے مسائل بڑھ رہے ہیں۔