اپوزیشن تمام سیاسی معاملات کے حل کیلئے مثبت کردار ادا کرے ،ڈاکٹر رمیش کمار

جمعرات 5 دسمبر 2019 15:15

اسلام آباد (اُردو پوائنٹ اخبارتازہ ترین - اے پی پی۔ 05 دسمبر2019ء) پاکستان تحریک انصا ف کے رکن قومی اسمبلی ڈاکٹر رمیش کمار نے حزب اختلاف کی بعض جماعتوں کے رویہ پر تنقید کرتے ہوئے کہا کہ اپوزیشن کو تمام سیاسی معاملات کے حل کے لئے مثبت کردار ادا کرنا چاہیئے کیونکہ نا اتفاقی سے سیاسی اور قومی مسائل حل نہیں ہوتے۔

(جاری ہے)

نجی ٹی وی چینل سے گفتگو کرتے ہوئے انہوں نے کہا کہ نئے چیف الیکشن کمیشنر کی تقرری سمیت دیگر معاملات پر امن طریقے سے حل ہو سکتے ہیں لیکن حزب اختلاف حکومت کے خلاف الزامات لگانے میں مصروف ہے۔

انہوں نے کہا کہ وزیر اعظم عمران خان کی متحرک قیادت میںحکومت تمام اداروں سے بدعنوانی کو جڑ سے ختم کر نے کے لئے پر عزم ہے ۔رمیش کمار نے اپوزیشن جماعتوں پر زور دیا کہ وہ بدعنوانی کی لعنت کو ختم کرنے کے لئے آگے آئیں۔ انہوں نے کہا کہ حکومت اپنی آئینی مدت پوری کرے گی اور اپنی کارکردگی کی بنیاد پر دوبارہ اقتدار میں آئے گی۔