فرانسیسی عوام نئی پینشن پالیسی کے خلاف سڑکوں پر ،دوسرے روز بھی احتجاج

کئی مقامات پر عوام اور فورسز کے درمیان جھڑپیں، شہریوں نے آٹھ تیل کی ریفائنریز کو بند کر دیا

جمعہ 6 دسمبر 2019 13:10

فرانسیسی عوام نئی پینشن پالیسی کے خلاف سڑکوں پر ،دوسرے روز بھی احتجاج

پیرس (اُردو پوائنٹ اخبارتازہ ترین - این این آئی۔ 06 دسمبر2019ء) ملک کے چالیس شہروں میں لاکھوں افراد نے ہڑتال میں شرکت کی،کئی مقامات پر عوام اور فورسز کے درمیان جھڑپیں بھی ہوئیں۔میڈیارپورٹس کے مطابق ڈاکٹرز، پولیس، وکلا، ٹیچرز اور ٹرانسپورٹرز نے بھی مظاہرین میں شامل ہو کر ہڑتال میں حصہ لیا۔

(جاری ہے)

مظاہرین کو منتشر کرنے کے لئے فورسز نے آنسو گیس کا استعمال کیا۔ شہریوں نے آٹھ تیل کی ریفائنریز کو بند کر دیا۔ فرانس میں ملک گیر ہڑتال کے باعث نوے فیصد ریل کا نظام جام ہو گیا جبکہ تیس فیصد فلائٹس کینسل ہو گئیں۔ خیال رہے کہ فرانسیسی صدر نے پوائنٹ بیسڈ پینشن نظام لانے کا اعلان کیا ہے۔ فرانس میں موجودہ پینشن نظام میں بیالیس سکیمیں ہیں۔