بھارتی لوک سبھا میں شہریت کے حوالے سے قانون سازی دو طرفہ معاہدوں کی خلاف ورزی ہے،عمران خان

منگل 10 دسمبر 2019 20:27

اسلام آباد (اُردو پوائنٹ اخبارتازہ ترین - آن لائن۔ 10 دسمبر2019ء) وزیراعظم عمران خان نے بھارتی لوک سبھا میں شہریت سے متعلق قانون سازی بل کی مذمت کر تے ہو ئے کہا کہ بل بین الاقوامی انسانی حقوق کے قوانین کے منافی ہے، فسطائی مودی سرکار اور آر ایس ایس نظریے کا حصہ ہے۔

(جاری ہے)

سماجی رابطے کی ویب سائٹ ٹویٹر پر ٹویٹ کرتے ہوئے وزیر اعظم عمران خان نے بھا رتی لو ک سبھا میں شہریت سے متعلق متنا زعہ قانو ن سازی کی مذمت کی اور کہا کہ متنا زعہ بل انسانی حقوق دوطرفہ معاہدوں کی مکمل خلاف ورزی ہے یہ بل بی جی پی کی آر ایس ایس پا لیسی اور مسلما ن مخالفت کی عکا سی کر تا ہے ۔

انہو ںنے مزید کہا کہ بھارتی لوک سبھا میں شہریت کے حوالے سے قانون سازی انسانی حقوق کے قانون اور پاکستان کے ساتھ دو طرفہ معاہدوں کی خلاف ورزی ہے۔