بھارتی تاجروں نے ملائیشیا سے پام آئل کی خریداری بند کر دی

منگل 14 جنوری 2020 14:25

نئی دہلی (اُردو پوائنٹ اخبارتازہ ترین - اے پی پی۔ 14 جنوری2020ء) بھارتی حکومت نے ملک کے درآمد کنندگان کو ہدایت کی ہے کہ وہ ملائیشیا سے ریفائینڈ پام آئل اور پامولین کی درآمد مکمل طور پر بند کر دیں جس پر اس ہفتے سے سختی کے ساتھ عمل درآمد کر لیا گیا ہے۔ملائیشیا کے وزیرِ اعظم مہاتیر محمد کی طرف سے بھارت کے زیرِ انتظام کشمیر میں حکومتی اقدامات اور نئے شہریت کے قانون پر شدید تنقید کے بعد بھارتی حکومت نے مذکورہ فیصلہ کیا ہے۔

(جاری ہے)

بھارت کے ایک کلیدی ریفائنر نے برطانوی خبر رساں ادارے کو بتایا ہے کہ سرکاری طور پر پام آئل کی درآمد پر کوئی پابندی نہیں ہے۔ تاہم حکومت کی ہدایات کی وجہ سے کوئی بھی درآمد کنندہ ملائیشیا سے پام ا?ئل نہیں خرید رہا ہے۔اٴْن کا مزید کہنا تھا کہ اب پام آئل ملائیشیا کی بجائے انڈونیشیا سے خریدا جا رہا ہے جس کے لیے ملائیشیا کے مقابلے میں زیادہ قیمت ادا کرنا پڑ رہی ہے۔بھارت پام آئل درآمد کرنے والا دنیا کا سب سے بڑا ملک ہے اور وہ ملائیشیا اور انڈونیشیا سے سالانہ 90 لاکھ ٹن پام آئل درآمد کرتا ہے۔