پاکستان کرکٹ بورڈ کی باقاعدہ اجازت سے ایم ایم بیگ میموریل کر کٹ ٹورنامنٹ کا آغاز 10مارچ سے ہوگا

جمعرات 27 فروری 2020 20:12

کراچی۔ (اُردو پوائنٹ اخبارتازہ ترین - اے پی پی۔ 27 فروری2020ء) پاکستان کر کٹ بورڈ (پی سی بی) کی اجازت سے کھیلا جانے والا بانی ناظم آباد جیم خانہ ایم ایم بیگ میموریل کر کٹ ٹورنامنٹ کا آغاز 10مارچ سے ہوگا۔ ناک آئوٹ بنیاد پرکھیلا جانے والا ایونٹ چالیس اوورز کی اننگز پر مشتمل ہوگا جو کہ پی سی بی ٹورنامنٹ قوانین کے مطابق اور پی سی بی پینل امپائرز اور اسکوررز کی نگرانی میں کھیلا جائیگا۔

ٹورنامنٹ میں وہی کلب حصہ لے سکتے ہیں جن کو دعوت نامے ار سال کئے گئے ہیں اور گزشتہ پی سی بی فضل محمود میںشرکت کر چکیں ہوں۔ ٹورنامنٹ کے شایانِ شان انداز میں انعقاد کے لئے پریس کانفرنس میں تفصیلات سے آگاہ کیا جائیگا۔ شرکت کر نے والے کلبز کو ہدایت کی گئی ہے کہ انڈر 19 کے 6 اور 2 انڈر 16 کھلاڑیوں سمیت 20 کھلاڑیوں کے نام بمعہ ولدیت کلب کے لیٹر ہیڈ پر (آج) 28 فروری تک ایس اے فہیم کے پاس جمع کرادیں۔

(جاری ہے)

ٹورنامنٹ میں شرکت کے لئے لیاقت آباد ایگلٹس، المنصورہ سی سی، نزیر حسین ، یونائیٹڈ اسپورٹس، نیو یونائیٹڈ جیم خانہ، مجاہد جیم خانہ، کوہِ نور، شاہین جیم خانہ، آغا خان جیم خانہ، ٹپال سی سی، پنجاب سی سی، کامریڈ اسپورٹس، ینگ پاک فلیگ، کورنگی جیم خانہ،پاک کورنگی، پاکستان سی سی، عالمگیر جیم خانہ،نادرن جیم خانہ، میٹرو پولیٹن ، ناظم آباد ینگسٹر، ناظم آباد کولٹس،شاہی باغ ، شالیمار سی سی، پیرا مائونٹ ،حیدری جیم خانہ، اورینٹل سی سی، مظہر جیم خانہ،آصف آباد اسپورٹس، پریمیئر سی سی، آزاد سی سی، التاج سی سی، بلدیہ جیم خانہ، پاک سورتی، ملک اسپورٹس اور الحمرا سی سی کو دعوت نامے ارسال کئے گئے ہیں۔

ٹورنامنٹ کی کوئی انٹر ی فیس نہیں جبکہ گرائونڈز، بالز، امپائرز، اسکوررز، میچ ریفری، مین آف دی میچ، ونر اور رنر ٹرافیاں آرگنائزنگ کمیٹی فراہم کرے گی۔ عتیق صدیقی کو ٹورنامنٹ میڈیا کوآرڈی نیٹر نامزد کیا گیا ہے۔