فیملی اور وزٹ ویزرہ رکھنے والے پاکستانیوں کو سعودی عرب کے لئے سفر کی اجازت مل گئی

پیر 2 مارچ 2020 22:30

لاہور (اُردو پوائنٹ اخبارتازہ ترین - آن لائن۔ 02 مارچ2020ء) سعودی عرب کے محکمہ خارجہ نے اقامہ رکھنے اور ملازمت کرنیوالے پاکستانیوں کو سعودی عرب آنے کی اجازت دینے کے بعد اب فیملی ویزہ رکھنے والے اور وزٹ ویزرہ رکھنے والے پاکستانیوں کو بھی سعودی عرب کے لئے سفر کی اجازت دے دی ہے۔ تاہم سعودی حکام نے مسافروں پر پابندی عائد کی ہے کہ وہ صرف پی آئی اے ماور سعودی ایئرلائینز کے ذریعے سفر کرسکیں گے۔

(جاری ہے)

واضح رہے کہ سعودی حکام نے کرونا وائرس کے پیش نظر مختلف کیٹیگریز کا ویزہ رکھنے والے مسافروں پر سعودی عرب میں داخلے کے حوالے سے پابندی عائد کر رکھی تھی۔ مزید برآں سول ایوی ایشن حکام نے ملک بھر سے تہران، دمام، بحرین اور مدینہ جانیوالی پروازوں کو منسوخ کردیا ہے جبکہ محکمہ صحت پنجاب کے ترجمان نے واضح کیا ہے کہ اس وقت پنجاب کے ہسپتالوں میں کرونا وائرس کا کوئی کنفرم مرینہیں زیر علاج نہیں ہے۔