شہداء تحریک ہزارہ کے خون کے ساتھ کسی کو غداری کی اجازت نہیں دیں گے، سردار گوہر زمان

منگل 10 مارچ 2020 11:50

حویلیاں (اُردو پوائنٹ اخبارتازہ ترین - اے پی پی۔ 10 مارچ2020ء) شہداء تحریک ہزارہ کے خون کے ساتھ کسی کو غداری کی اجازت نہیں دیں گے، اقتدار کی سیاست کرنے والے آج بابا حیدر زمان کے موقف کی حمایت کر رہے ہیں، سپیکر قومی اسمبلی اسد قیصر اور مشتاق غنی بابا حیدر زمان کے ساتھ کئے گئے معاہدہ پر عمل کریں۔

(جاری ہے)

ان خیالات کا اظہار چیئرمین تحریک صوبہ ہزارہ سردار گوہر زمان خان اور سیکرٹری جنرل سلطان العارفین خان نے حویلیاں پریس کلب میں صحافیوں سے گفتگو کرتے ہوئے کیا۔

انہوں نے کہا کہ تحریک صوبہ ہزارہ شہداء ہزارہ کی وارث ہے اور ان کی قربانی کو فراموش نہیں ہونے دے گی، 12 اپریل کو ملک بھر میں بسنے والے لاکھوں ہزارے وال اپنے بھائیوں کی قربانی کو خراج عقیدت پیس کر کے تحریک صوبہ ہزارہ کے حق کی تجدید کریں گے۔ سردار گوہر زمان خان نے کہا کہ بابا حیدر زمان کو تحریک رجسٹر کرانے پر آمادہ کرنے والے اقتدار میں شامل ہو گئے جس کا نقصان ہزارہ میں بسنے والے لوگوں کو ہوا۔