تمباکو کی برآمدات میں فروری کے دوران134.68 فیصد اضافہ ہوا، ادارہ برائے شماریات پاکستان

جمعہ 27 مارچ 2020 17:31

اسلام آباد ۔ (اُردو پوائنٹ اخبارتازہ ترین - اے پی پی۔ 27 مارچ2020ء) فروری 2020ء کے دوران تمباکو کی برآمدات میں 134.68 فیصد اضافہ ہوا ہے۔

(جاری ہے)

ادارہ برائے شماریات پاکستان (پی بی ایس) کے جاری کردہ اعدادوشمار کے مطابق فروری 2020ء کے دوران برآمدات کا حجم 1.28 ارب روپے تک بڑھ گیا جبکہ جنوری 2020ء کے دوران تمباکو کی برآمدات کا حجم 0.54 ارب روپے رہا تھا، اس طرح جنوری 2020ء کے مقابلہ میں فروری 2020ء کے دوران تمباکو کی قومی برآمدات میں 0.74 ارب روپے یعنی 134.68 فیصد کا نمایاں اضافہ ریکارڈ کیا گیا ہے۔