سپریم کورٹ نے بوگس چیک دینے والے ملزم ہاشم فاروق جٹ کی جانب سے دائر ضمانت درخواست مسترد کردی

جمعہ 27 مارچ 2020 19:10

اسلام آباد ۔ (اُردو پوائنٹ اخبارتازہ ترین - اے پی پی۔ 27 مارچ2020ء) سپریم کورٹ نے بوگس چیک دینے والے ملزم ہاشم فاروق جٹ کی جانب سے دائر ضمانت درخواست مسترد کردی ہے۔ جمعہ کو جسٹس مشیر عالم کی سربراہی میں دو رکنی بنچ نے بوگس چیک دینے والے ملزم ہاشم فاروق بٹ کی جانب سے دائر ضمانت درخواست پر سماعت کی۔

(جاری ہے)

دوران سماعت جسٹس مشیر عالم نے درخواست گزار کے وکیل سے مکالمہ کرتے ہوئے ریماکس دیئے کہ ان حالات میں آپ ضمانت کیوں لینا چاہتے ہیں۔

وکیل درخواست گزار نے دلائل دیئے کہ میرا موکل پانچ ماہ سے جیل میں ہے، وہ دیگر پانچ افراد کیساتھ کاروبار میں شراکت دار تھا، ہم نے جو چیک دیا وہ گم ہوگیا تھا۔ جس پر جسٹس قاضی محمد امین نے ریمارکس دیئے کہ آپ کے موکل پر چھ اور مقدمات بھی ہیں۔ عدالت عظمی نے ملزم ہاشم فاروق جٹ کی جانب سے دائر ضمانت درخواست مسترد کردی۔