یہ کمپنی بچوں کے لیے کروڑوں روپے مالیت کا پرتعیش فرنیچر اور دیگر مصنوعات تیار کرتی ہے
امین اکبر جمعہ 27 مارچ 2020 23:50
بچوں کے لیے بہت سی کمپنیاں پریمیم مصنوعات بناتی ہیں لیکن سپین کی اس کمپنی نے تو سب کو ہی پیچھے چھوڑ دیا ہے۔اس کمپنی کو بچوں کی مصنوعات کے لیے لوئی ویٹون بھی کہا جاتا ہے تاہم Suommo لوئی ویٹون کے مقابلے میں کہیں زیادہ مہنگا برانڈ ہے۔یہ کمپنی بچوں کے جھولے اور بچہ گاڑی کو دسیوں ہزاروں ڈالر میں فروخت کرتی ہے۔بچوں کی مصنوعات کے لیے یہ کمپنی سب سے مہنگا انتخاب ہے۔
اس کمپنی کو 2010 میں سپین کے ڈیزائنر شیمو تالامانتیس نے قائم کیا تھا۔
(جاری ہے)
انہیں پرتعیش رہائشی اور تجارتی اندرونی مصنوعات بنانے کا 20 سالہ تجربہ ہے۔
انہوں نے بہت تھوڑے وقت میں خود کو بچوں کے لگژری برانڈ کے طور پر منوایا ہے۔اس کے لیے انہوں نے بچوں کی چند مہنگی ترین اشیا ڈیزائن کی ہیں۔ ان کی بنائی بچہ گاڑی ڈوڈو بیسینیٹ سولڈ گولڈ ایڈیشن کی قیمت 1کروڑ 20 لاکھ یورو یا 1 کروڑ 29 لاکھ ڈالر یا تقریباً 2 ارب 10 کروڑ 70 لاکھ روپے ہے۔انہوں نے روسی گڑیا سے متاثر ہو کر جو بے بی بوتل یا فیڈر بنایا ہے اس کی قیمت 2 لاکھ 72 ہزار ڈالر ہے۔یہ دونوںمصنوعات اب ویب سائٹ پر درج نہیں۔ یہ پانچ سال پہلے لانچ کی گئی تھیں لیکن اب بھی ویب سائٹ پر بہت سی چیزیں ایسی ہیں جو خاصی قیمتی ہیں۔اس ویب سائٹ پر موجود بچوں کے جھولے کی قیمت 65 ہزار ڈالر اور چیسٹ ڈرار کی قیمت 73000 ڈالر ہے۔اس ویب سائٹ پر آج کل جو سب سے مہنگی چیز ہے وہ بچوں کا پیسیفائر ہے ۔ اس کی قیمت 1 لاکھ یورو یا 1 لاکھ 8 ہزار ڈالر ہے۔ ا +سکے تین ورژن ہیں، جو ہیرے اور خالص سونے، ہیرے اور سفید سونے اور ہیرے اور گلابی سونا یا روز گولڈ سے بنے ہیں۔
یہ کمپنی کچھ سستی اشیا جیسے 10 ہزار یورو میں بچوں کا جھولا اور 6 ہزارو یورو میں چیسٹ ڈرار بھی فروخت کرتی ہے۔یہ کمپنی سوشل میڈیا پر کئی سالوں سے خاموش ہے لیکن ان کی ویب سائٹ بدستور آن لائن ہے، جس سے واضح نہیں ہوتا کہ یہ اب بھی کاروبار کر رہی ہے یا نہیں۔
متعلقہ عنوان :
مزید عجیب و غریب خبریں
-
ہتھیائی رقم ہڑپ کرنے کیلئے اپنے اغواء اور قتل کا ڈرامہ رچانے والا شخص پکڑا گیا
-
ویتنام،مریض کے پیٹ سے زندہ مچھلی برآمد
-
امریکہ، چوہوں کا پولیس ہیڈ کوارٹر پردھاوا، بھنگ کھانے کے عادی ہوگئے
-
آسٹریلیا، گالف گیم کے دوران کینگروز کے بڑے جھنڈ نے دھاوا بول دیا
-
جرمن باشندے نے کورونا ویکسین 217 بارلی
-
ایلون مسک پیچھے رہ گئے‘ ایمازون کے بانی جیف بیزوز دنیا کے امیر ترین شخص قرار
-
کھلونا گاڑی کی تیز رفتاری کا عالمی ریکارڈ قائم
-
وصیت کے مطابق تدفین سے قبل پروفیسر کی لاش کا اردن یونیورسٹی کا طواف
-
دبئی ایئرپورٹ پر کاسمیٹک سرجری والے مسافروں کو روکا جانے لگا
-
دنیا کے سب سے بڑے ڈینٹل ہسپتال کا ورلڈ ریکارڈ سعودی عرب کے نام
-
سعودی عرب میں بنی جدید ترین سکیورٹی کار نمائش کیلئے پیش
-
ہالی ووڈ لیجنڈ رابرٹ ڈی نیرو کے 80 سال کی عمر میں باپ بننے کی تصدیق
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.