یہ جاپانی اپنے چہرے کے تھری ڈی ماسک سے آن لائن میٹنگز میں دوسروں کو بے وقوف بنا دیتا ہے

ٹوئٹر صارف لالارسٹین (@silver_eel)   تھری ڈی پرنٹنگ کے ماہر ہیں۔ حال ہی میں انہوں نے ہوبہو اپنی شکل کا تھری ڈی ماسک بنا کر لوگوں کو حیران کر دیا ہے۔اس تھری ڈی ماسک کو بناتے ہوئے انہوں نے اپنے چہرے کی باریک ترین جزیات کا بھی خیال رکھا ہے۔
لالارسٹین  نے یہ ماسک پچھلے ماہ ٹوئٹر پر پیش کیا۔عام طور پر تھری ڈی پرنٹنگ کے ماہر چیزیں پرنٹ کرنے کے عمل کے بارے میں زیادہ دلچسپی نہیں لیتے  لیکن لالارسٹین تھری ڈی پرنٹنگ کے عمل کو سمجھتے ہیں۔

انہوں نے بتایا کہ  یہ ماسک انہوں نے  Super Scan Studio Face Rig 3D  سکینر اور Stratasys J750 3D  پرنٹر کی مدد سے بنایا ہے۔
جاپانی سوشل میڈیا پر لوگ حقیقی زندگی جیسے  ماسک پیش کرتے ہی رہتے ہیں لیکن لالارسٹین  کے کام کی سب تعریف کر رہے ہیں۔ بہت سے لوگوں نے اُن سے پوچھا ہے کہ کیا یہ ماسک اینڈروئیڈ اور آئی فون کے  چہرہ شناسی کے  فیچر کو دھوکہ  دے سکتا ہے۔

(جاری ہے)

بظاہر لالارسٹین نے اسے آئی فون کے کچھ ماڈلز پر ٹسٹ بھی کیا لیکن اس میں انہیں ناکامی ہوئی۔اُن کا کہنا ہے کہ وہ یہ ماسک آن لائن ویڈیو میٹنگز میں استعمال کرتے ہیں۔ اس طرح میٹنگز کے دوران وہ بغیر کسی کے پتا چلے اپنی آنکھیں بند رکھتے ہیں۔لالارسٹین کے ماسک کی چند تصاویر آپ بھی دیکھیں۔