ایک اور پاکستانی ڈاکٹر برطانیہ میں کورونا سے جاں بحق

کراچی سے تعلق رکھنے والے ڈاکٹر فرقان علی صدیقی مانچسٹر رائل انفرمری میں تعینات تھے

ہفتہ 2 مئی 2020 21:50

ایک اور پاکستانی ڈاکٹر برطانیہ میں کورونا سے جاں بحق

لندن (اُردو پوائنٹ اخبارتازہ ترین - این این آئی۔ 02 مئی2020ء) ایک اور پاکستانی ڈاکٹر برطانیہ میں کورونا کے باعث جاں بحق ہوگئے، کراچی سے تعلق رکھنے والے ڈاکٹر فرقان علی صدیقی مانچسٹر رائل انفرمری میں تعینات تھے۔ڈاکٹر فرقان علی صدیقی برطانیہ کے نیشنل ہیلتھ سسٹم میں خدمات کے لیے برطانیہ منتقل ہوئے تھے۔

(جاری ہے)

وہ عالمی وباء کورونا وائرس کا شکار ہونے کے بعد کئی دن وینٹی لیٹر پر رہے اور جان کی بازی ہار گئے، چند گھنٹوں کے دوران برطانیہ میں کورونا سے مرنے والے طبی عملے میں بولٹن سے تعلق رکھنے والے پاکستانی نژاد ڈاکٹر ناصر خان بھی شامل ہیں۔

اس کے علاوہ 57 سالہ پیرامیڈک مارک اسٹینلے بھی عالمی وبا کے دوران خدمات انجام دیتے ہوئے انتقال کرگئے ہیں۔ہیلی فیکس ایمبولینس اسٹیشن میں تعینات عملے نے مارک اسٹینلے کو خراج عقیدت پیش کرنے کے لیے خاموشی اختیار کی۔