آئی جی پنجاب کے احکامات پر ذخیرہ اندوزی اورکورونا سے متعلق پابندیوں کی خلاف ورزی پر کریک ڈائون جاری

لاہور(اُردو پوائنٹ اخبارتازہ ترین - این این آئی۔ 04 مئی2020ء) انسپکٹر جنرل پولیس پنجاب شعیب دستگیر کے احکامات پر صوبے کے تمام اضلاع میں پولیس ٹیمیں ذخیرہ اندوزی ایکٹ اور کورونا سے متعلق پابندیوںکے متعلق حکومت پنجاب کی جانب سے جاری کی گئی ہدایات پر سختی سے عمل درآمد کروارہی ہے تاکہ وبائی وائرس کورونا کے پھیلائو کو کم سے کم کرکے شہریوں کی قیمتی جانوں کو ہر ممکن تحفظ فراہم کیا جاسکے۔

اس سلسلے میں پولیس ٹیمیں قرنطینہ سنٹرز پر کورونا وائرس کے خلاف ڈاکٹرز کے ہمراہ فرنٹ لائن پر مصروف عمل ہیں جبکہ ضلعی پولیس سربراہان کی زیر نگرانی پولیس ٹیمیں محکمہ صحت اور دیگر سرکاری اداروں کے ساتھ مل کر کورونا وائرس سے بچائو کیلئے اقدامات میں مصروف ہیں اورساتھ ہی ذخیری اندوزی ایکٹ کے تحت ضروری سامان و اشیاء مہنگے داموں فروخت کرنے والے سفاک ذخیرہ اندوزوں کے خلاف بلا تاخیر قانونی کاروائی کویقینی بنایا جا رہا ہے ۔

(جاری ہے)

تفصیلات کے مطابق پولیس ٹیموں نے 16مارچ سے شروع آپریشن میںصوبے بھر میں966ناکے لگائے ہیں جہاں اب تک 224723گاڑیوں ،529635موٹر سائیکلوں اور1083843شہریوں کو چیک کیا گیا ہے ۔ 667589شہریوں کو وارننگ دی گئی ، 45203سے سیکیورٹی بانڈزلئے گئے جبکہ دفعہ144کی خلاف ورزی پر23882ایف آئی آرز درج کرتے ہوئی22108 شہری گرفتاراور25302شہری ضمانت پر رہا ہوئے جبکہ قانون کی خلاف ورزی پر4162دوکانوں اور238ریستورانوں کے خلاف کاروائی بھی عمل میں لائی گئی ۔

اسی طرح ذخیرہ اندوزی ایکٹ کی خلاف ورزی پر837مقدمات درج کرتے ہوئی1339قانون شکنوں کے خلاف کاروائی کی گئی جس کے نتیجے میں937افراد گرفتار جبکہ 402ضمانت پر رہا ہوئے۔اسی طرح ذخیرہ اندوزوں سی762150کلو گرام گندم، 337765کلو گرام چینی، 250801ماسک، 999سینٹائزر، 28طبی آلات اور 153572دیگر اشیا برآمد کی گئیں۔16مارچ سے جاری آپریشن کے دوران265356شہریوں کو کورونا سے متعلق آگاہی جبکہ274830شہریوں کو پولیس ٹیموں نے امدادبھی فراہم کی ۔

گذشتہ روزبھی صوبہ بھر میں966 ناکے لگائے گئے جہاں4620گاڑیوں اور11994موٹر سا ئیکلوں کو چیک کیاگیا۔پولیس ناکوں پرچیک کئے گئے 20559شہریوں میں سی14894کو وارننگ دے کر چھوڑا گیا۔ 633شہریوں سے سیکیورٹی بونڈز لئے گئے،410ملزمان گرفتا ر ہوئے جبکہ170نے ضمانتیں کروائیں۔مجموعی طور پر310ایف آئی آر درج کی گئیں جن میں580ملزمان کو نامزد کیا گیاجبکہ اسی دوران قانون کی خلاف ورزی پر143دوکانوںاور 2ریستورانوں کے خلاف قانونی کاروائی بھی عمل میں لائی گئی۔

اسی طرح صوبے بھر میں گذشتہ 24گھنٹوں میںذخیرہ اندوزی پر18مقدمات درج ہوئے اور26ملزمان کے خلاف قانونی کاروائی عمل میں لائی گئی جن میں سی24گرفتار جبکہ02ضمانت پر رہا ہوئے۔پولیس ٹیموں نے دوران ڈیوٹی 5574شہریوں کوکورونا سے بچائو کے متعلق آگاہی جبکہ 1731شہریوں کو امداد بھی فراہم کی ۔ آئی جی پنجاب شعیب دستگیر نے ریجنل اور ضلعی پولیس افسران کو قانون شکنوں کے خلاف کاروائی میں تیزی لانے کی ہدایت دیتے ہوئے تاکید کی ہے کہ پولیس کاروائیوں کے حوالے سے روزانہ کی بنیاد پر رپورٹ سنٹرل پولیس آفس بھجوائی جائے ۔

انہوں نے مزیدکہاہے کہ فیلڈ ڈیوٹی پرتعینات افسران و اہلکار کورونا وائرس سے بچائو کی احتیاطی تدابیرپر عمل درآمد ہر صورت یقینی بنائیںاورپولیس ٹیمیں شہریوں کی سہولت کیلئے دیگر سرکاری اداروں کے ساتھ مل کروبائی مرض کے تدارک کیلئے ہونے والے اقدامات میں بڑھ چڑھ کر حصہ لیں۔