آزادکشمیر کے وزیر تعلیم سکولز کے میونسپل کارپوریشن مظفرآباد کو بیرون آزادکشمیر سے آنیوالے دودھ کی سخت چیکنگ کے احکامات

منگل 5 مئی 2020 16:27

مظفرآباد (اُردو پوائنٹ اخبارتازہ ترین - اے پی پی۔ 05 مئی2020ء) آزادکشمیر کے وزیر تعلیم سکولز بیرسٹرسید افتخار علی گیلانی نے میونسپل کارپوریشن مظفرآباد کو بیرون آزادکشمیر سے آنیوالے دودھ کی سخت چیکنگ کے احکامات دے دیئے غیر میعاری، ملاوٹ شدہ اور حفظان صحت کے اصولوں پر پورا نہ اترنے والے دودھ کی دکانوں کیخلاف کارروائی کرنے کی ہدایات آزادکشمیر کے دارالحکومت مظفرآباد میں دیگر علاقوں سے آنیوالے دودھ کی کوالٹی یقینی بنائی جائے دودھ کے نام پر زہر فروخت کرنے کی اجازت کسی کو نہیں دی جاسکتی میونسپل کارپوریشن اس معاملے میں انتہائی متحرک کردار ادا کرے ان خیالات کا اظہار انہوں نے ایڈمنسٹریٹر میونسپل کارپوریشن مظفرآباد اعظم رسول سے گفتگو کرتے ہوئے کیا ان کا کہنا تھا کہ بیرون آزادکشمیر سے دودھ لاکر فروخت کرنے کے معاملے پر عدلیہ کے فیصلے کے بعد مظفرآباد میں دکانیں کھولی گئیں میونسپل کارپوریشن مظفرآباد اس معاملے پر کڑی نظر رکھ کر دارالحکومت کے شہریوں کو میعاری اور خالص دودھ کی فراہمی کیلئے اپنا بھرپور کردار ادا کرے اس معاملے پر کسی بھی قسم کی کوتاہی نہ برتی جائے انہوں نے کہا کہ مظفرآباد شہر میں بیرون آزادکشمیر سے لا کر دودھ فروخت کرنیوالوں کو کھلی چھٹی نہیں دی جاسکتی میونسپل کارپوریشن مظفرآباد کے افیسران اور اہلکاران اپنہ ذمیداری کسی بھی دباو کے بغیر ادا کرکے عوام تک میعاری دودھ کی فراہمی کویقینی بنائیں۔