راولپنڈی کی ضلعی انتظامیہ نے سبزیوں اور پھلوں کے نرخنامے جاری کر دیئے

بدھ 6 مئی 2020 14:52

راولپنڈی (اُردو پوائنٹ اخبارتازہ ترین - اے پی پی۔ 06 مئی2020ء) ضلعی انتظامیہ راولپنڈی نے وزیر اعلیٰ پنجاب عثمان بزدار کی ہدایت پر رمضان اور لاک ڈائون کی صورتحال کے پیش نظر منافع خوروں کے خلاف کریک ڈائون کے ساتھ ساتھ عوام کی سہولت کیلئے روزانہ کی بنیاد پر سبزیوں اور پھلوں کے نرخنامے جاری کر دیئے ہیں اور صارفین کو ہدایت کی گئی ہے کہ بازاروں میں خریداری کے دوران اشیاء خوردو نوش کی قیمت ضرور چیک کریں اور کسی بھی شکایت کی صورت میں ہیلپ لائن 0800-02345 پر رابطہ کریں یا ایپ "Qeemat Punjab" پر شکایت درج کریں تاکہ منافع خوروں کے خلاف کاروائی کی جا سکے، بدھ کو ضلعی انتظامیہ کی طرف سے جاری کردہ نرخنامہ کے مطابق شہر کی تمام چھوٹی بڑی مارکیٹوں میں آلو 58 سے 65، پیاز36 سے 42، ٹماٹر 18 سے 20، لہسن دیسی 144، لہسن کوئٹہ 185، لہسن چائنہ 350، ادرک چائنہ 315، لیموں دیسی335، شملہ مرچ 30، بند گوبی 22، گھیاکدو 30، بینگن 30، بھنڈی 66، مٹر 70، کھیرا 14، ٹینڈہ ولائتی 46، فراشبین 42 اور کریلا32 روپے فی کلو دستیاب ہے، نرخ نامہ کے مطابق پھلوں میں سیب کی قیمت 120 سے 240، کیلا 90 سے 145، سٹابری 150، خربوزہ دیسی 46، تربوز 32، شربوز سفید 46، کھجور پاکستانی اول 220، کھجور ایرانی 280 ، لوکاٹ 70 اور گرما کی قیمت 80 روپے فی کلو مقرر کی گئی ہے جبکہ انڈہ شیور95 روپے درجن اور مرغی کا گوشت 272 روپے کلو میں دستیاب ہے۔