پاکستان فروٹ اینڈ ویجیٹیبل ایکسپورٹرز ایسوسی ایشن نے عالمی کورونا لاک ڈاؤن کے دوران فضائی آپریشن محدود اور سبزیوں وپھلوں کی طلب میں کمی کے باعث آم کابرآمدی ہدف 1لاکھ30ہزار ٹن سے کم کرکے 80ہزار ٹن کردیا

ہفتہ 23 مئی 2020 12:39

فیصل آباد ۔ (اُردو پوائنٹ اخبارتازہ ترین - اے پی پی۔ 23 مئی2020ء) پاکستان فروٹ اینڈ ویجیٹیبل ایکسپورٹرز ایسوسی ایشن نے عالمی کورونا لاک ڈاؤن کے دوران فضائی آپریشن محدود اور سبزیوں وپھلوں کی طلب میں کمی کے باعث آم کا برآمدی ہدف 1لاکھ30ہزار ٹن سے کم کرکے 80ہزار ٹن کردیا ہے اس طرح آئندہ ایام میں گزشتہ سال کی نسبت 50ہزار ٹن کم آم برآمد کیاجائے گا جس سے آم پیدا کرنے والے باغبانوں اور برآمدکنندگان کو کروڑوں ڈالرز کا نقصان برداشت کرنا پڑے گا۔

ایسوسی ایشن کے ترجمان نے بتایاکہ کورونا کی عالمی وبااور کلائمیٹ چینج کے اثرات نے پاکستان سے آم کی برآمد کو سخت چیلنج سے دوچار کردیاہے جس کی وجہ سے اس باربہترین پیداوار حاصل ہونے کے باوجود آم کی برآمد میں 40فیصد کمی کا خدشہ پیدا ہوگیاہے ۔

(جاری ہے)

انہوں نے بتایاکہ کلائمیٹ چینج کے اثرات کی وجہ سے انٹرنیشنل مارکیٹ میں کساد بازاری،عالمی لاک ڈاؤن کی وجہ سے طلب میں کمی اور فضائی آپریشن محدود ہونے کے ساتھ فریٹ چارجز میں اضافہ نے آم کی ایکسپورٹ کو سنگین خدشات سے دوچار کردیا ہے۔

انہوں نے بتایاکہ موجودہ حالات کے پیش نظر پاکستان فروٹ اینڈ ویجی ٹیبل ایکسپورٹرز ایسوسی ایشن نے رواں سیزن کے دوران آم کی برآمد کا ہدف 80ہزار ٹن تک محدود کردیا ہے جو گزشتہ سال کی ایک لاکھ 30ہزار ٹن کی ایکسپورٹ کے مقابلے میں 50ہزار ٹن کم ہے۔ انہوں نے بتایاکہ ایکسپورٹ کے ہدف میں کمی کے ساتھ ہی آم کی ایکسپورٹ سے حاصل ہونے والے ریونیو میں بھی نمایاں کمی کا سامنا کرنا پڑے گا۔

Facebook Twitter Google + Share on Whatsapp

متعلقہ عنوان :

مزید زراعت کی خبریں