گذشتہ ایک ہفتے کے دوران انٹر بینک اور مقامی اوپن کرنسی مارکیٹ میں روپے کے مقابلے ڈالر کی قدر میں اضافے کا رجحان رہا

ہفتہ مئی 16:51

کراچی (اُردو پوائنٹ اخبارتازہ ترین - این این آئی۔ 23 مئی2020ء) گذشتہ ایک ہفتے کے دوران انٹر بینک اور مقامی اوپن کرنسی مارکیٹ میں روپے کے مقابلے ڈالر کی قدر میں اضافے کا رجحان رہا ۔

(جاری ہے)

فاریکس ایسوسی ایشن آف پاکستان کی ہفتہ وار رپورٹ کے مطابق انٹر بینک ایک ہفتے کے دوران روپے کے مقابلے ڈالر 40پیسے مہنگا ہو گیا جس سے ڈالر کی قیمت خرید 160.30روپے سے بڑھ کر160.80روپے اور قیمت فروخت160.50روپے سے بڑھ کر160.90روپے پر جا پہنچی اسی طرح مقامی اوپن کرنسی مارکیٹ میں ڈالر کی قدر50پیسے بڑھ گئی جس سے ڈالر کی قیمت خرید 160روپے سے بڑھ کر160.50روپے اور قیمت فروخت160.50روپے سے بڑھ کر161روپے ہو گئی ۔

فاریکس ایسوسی ایشن کے مطابق زیر تبصرہ مدت میں یورو کی قدر میں3روپے کا ریکارڈ اضافہ ہوا جس سے یورو کی قیمت خرید170.50روپے سے بڑھ کر173.50روپے اور قیمت فروخت172.50روپے سے بڑھ کر175.50روپے کی بلند سطح پر جا پہنچی تاہم کسی تبدیلی کے بغیر برطانوی پونڈ کی قیمت خرید 194روپے اور قیمت فروخت196روپے کی سطح پر برقرا ر رہی ۔

متعلقہ عنوان :