پاکستان سٹاک ایکسچینج میں زبردست تیزی، ہنڈرڈ انڈیکس میں 3000 سے زائد پوائنٹس کا اضافہ

بدھ 6 مئی 2026 11:27

اسلام آباد (اُردو پوائنٹ اخبارتازہ ترین - اے پی پی۔ 06 مئی2026ء) کاروباری ہفتے کے تیسرے روز کاروبار کے آغاز پر پاکستان سٹاک ایکسچینج میں زبردست تیزی دیکھنے میں آئی۔ سرمایہ کاروں کے اعتماد میں اضافے کے باعث مارکیٹ میں خریداری کا رجحان غالب رہا، جس کے نتیجے میں ہنڈرڈ انڈیکس 3000 سے زائد پوائنٹس بڑھ گیا۔

(جاری ہے)

کاروبار کے دوران پاکستان سٹاک مارکیٹ کا ہنڈرڈ انڈیکس بڑھ کر ایک لاکھ 67 ہزار 911 پوائنٹس کی سطح تک پہنچ گیا، جبکہ گزشتہ کاروباری روز کے اختتام پر ہنڈرڈ انڈیکس ایک لاکھ 64 ہزار 742 پوائنٹس پر بند ہوا تھا۔

مارکیٹ ماہرین کے مطابق سرمایہ کاروں کے مثبت اعتماد، معاشی اشاریوں میں بہتری اور مختلف شعبوں میں سرمایہ کاری کے رجحان میں اضافے کے باعث سٹاک مارکیٹ میں تیزی دیکھی جا رہی ہے۔