اسلام آبادمیں 31 سے 45 سال عمر کے افراد کو کورونا سے سب سے زیادہ خطرہ ہے، ضلعی آفیسر

ہفتہ 20 جون 2020 14:38

اسلام آباد (اُردو پوائنٹ اخبارتازہ ترین - این این آئی۔ 20 جون2020ء) اسلام آباد میں صحت کے ضلعی آفیسر نے کہا ہے کہ پاکستان کے دارالحکومت میں 31 سے 45 سال عمر کے افراد کو کورونا سے سب سے زیادہ خطرہ ہے۔

(جاری ہے)

ایک بیان میں انھوں نے کہا کہ 19 جون کو شہر میں 373 افراد کورونا سے صحتیاب ہوئے جبکہ 304 نئے متاثرین کی تشخیص ہوئی۔شہر میں اب تک 9941 کل متاثرین سامنے آچکے ہیں جبکہ 95 اموات ہوئی ہیں،19 جون کو کونٹیکٹ ٹریسنگ کی مدد سے 9616 افراد کے ٹیسٹ کیے گئے۔یاد رہے کہ شہر میں اب عوامی مقامات پر ماسک پہننا لازم قرار دے دیا گیا ہے۔