خواتین بھی مردوں کو جنسی زیادتی کا نشانہ بناتی ہیں

جماعت اسلامی کے رکن پارلیمنٹ کی جانب سے جنسی زیادتی ملزمان کو نامرد بنانے کی سزا کی مخالفت

محمد علی بدھ 16 ستمبر 2020 21:06

اسلام آباد (اُردو پوائنٹ اخبارتازہ ترین۔ 16 ستمبر2020ء) خواتین بھی مردوں کو جنسی زیادتی کا نشانہ بناتی ہیں، جماعت اسلامی کے رکن پارلیمنٹ کی جانب سے جنسی زیادتی ملزمان کو نامرد بنانے کی سزا کی مخالفت۔ تفصیلات کے مطابق جماعت اسلامی کے رکن قومی اسمبلی عبدالاکبر چترالی کی جانب سے جنسی زیادتی کے ملزمان کو نامرد بنانے کی سزا کی مخالفت کرنے کیلئے عجیب و غریب دلیل پیش کی گئی ہے۔

رکن اسمبلی مولانا عبدالاکبر چترالی نے قومی اسمبلی اجلاس میں سانحہ موٹر وے پر بحث میں حصہ لیتے ہوئے عورتوں پر مردوں کو جنسی زیادتی کا نشانہ بنانے کا الزام عائد کر دیا۔

ریپ جیسے موضوع کو لے کر ہمارے نمائندے کس قدر سیریس ہیں اس بات کا اندازہ اس تقریر اور محسن داوڑ کے قہقہوں سے لگایا جا سکتا ہے؟

اب صرف ایک لمحے کے لئے سوچیں یہ قہقہے لگانے والا محسن داوڑ نہیں بلکہ کوئی پی ٹی آئی کا ہوتا تو اسپیکر کا استعفیٰ بھی طلب کرتے pic.twitter.com/zFhJuspCt5
— Mr Shelby ™ (@Farrukh_Shahzad) September 16, 2020

انہوں نے کہا کہ جنسی زیادتی میں ملوث افراد کو نامرد بنانا مسئلے کا حل نہیں اگر کوئی عورت مرد کے ساتھ زیادتی کرے تو اس کا کیا کریں گیے۔

(جاری ہے)

شادی شدہ مرد اور عورت زنا کرتے پائے گئے تو کیا کریں گے؟ جماعت اسلامی کے رہنما کا کہنا ہے کہ شریعت کے مطابق قانون سازی کریں اور عمل درآمد کریں، ایسے مجرموں کو سرعام پھانسی دیں یا سنگسار کریں۔ انہوں نے کہا کہ جنرل ضیاء الحق کے دور میں ایسے مجرم کو پھانسی دی گئی دس سال تک جرم نہیں ہوا۔ ہر ضلع میں شرعی عدالت بنائیں ججز اور علماء کو پابند بنائیں کہ وہ شریعت کے مطابق فیصلے کریں۔

جماعت اسلامی کے رکن پارلیمنٹ اپنے اس بیان کے بعد سوشل میڈیا پر شدید تنقید کی زد میں ہیں۔ عوام کی جانب سے شدید غم و غصے کا اظہار کرتے ہوئے کہا گیا ہے کہ ایک ایسا وقت جب عوام متفق ہے کہ جنسی زیادتی کے ملزمان کو سخت سے سخت سزائیں دی جائیں، تب جماعت اسلامی کے رہنما الٹا خواتین پر ہی مردوں کو جنسی زیادتی کا نشانہ بنانے کا الزام عائد کر رہے ہیں۔