راولپنڈی،قتل کے مقدمہ کانامزدملزم چندگھنٹوں میں گرفتار

بدھ ستمبر 23:27

راولپنڈی(اُردو پوائنٹ اخبارتازہ ترین - آن لائن۔ 23 ستمبر2020ء) تھانہ رتہ امرال پولیس کی اہم کاروائی، قتل کے مقدمہ کانامزدملزم چندگھنٹوں میں گرفتار۔

(جاری ہے)

تفصیلات کے مطابق تھانہ رتہ امرال پولیس کو مقتول کے والدلطیف خان نے درخواست دی کہ اس کے بیٹے شفیق خان کو سجاد خان نے سابقہ لڑائی جھگڑے کی رنجش پر فائرنگ کر کے قتل کر دیا،جس پر تھانہ رتہ امرال میں مقدمہ درج رجسٹر کیاگیا،ایس ایچ اورتہ امرال نے اپنی ٹیم کے ہمراہ فوری کاروائی کرتے ہوئے جد ید ٹیکنالوجی اورہیومن انٹیلی جینس کی مدد سے شفیق خان کوقتل کرنے والے نامزد ملزم سجاد خان کو چند گھنٹوں میں گرفتارکرلیا،ایس ایچ اونے بتایاکہ ملزم سے مزید تفتیش جاری ہے ،سی پی اومحمد احسن یونس نے ایس پی راول ،ایس ایچ اورتہ امرال اورپولیس ٹیم کو شاباش دیتے ہوئے کہاکہ سنگین جرائم میں ملوث ملزمان کی فوری گرفتاری جرائم پر قابو پانے میں مدد فراہم کرتی ہے ،گرفتارملزم کو ٹھوس شواہد کے ساتھ چالان کرکے عدالت سے سخت سزادلوائی جائے