پی آئی اے کا عید میلاد النبیﷺ پر خصوصی پیکیج کا اعلان

پیکج جدہ اور مدنیہ منورہ جانے والے اور آنے والے دونوں سفر پر کارآمد ہوگا، ترجمان پی آئی اے

پیر 19 اکتوبر 2020 21:32

پی آئی اے کا عید میلاد النبیﷺ پر خصوصی پیکیج کا اعلان

لاہور (اُردو پوائنٹ اخبارتازہ ترین - آن لائن۔ 19 اکتوبر2020ء) پی آئی اے نے عید میلاد النبی صلی اللہ علیہ وسلم کی مناسبت سے حجاز مقدسہ کے سفر پر 12 فیصد خصوصی رعایت دی ہے۔ترجمان پی آئی اے کے مطابق قومی ایئرلائن پی آئی اے نے عید میلاد النبیﷺپر خصوصی پیکیج متعارف کرایا ہے، اور جشن ولادت رسول صلی اللہ علیہ وسلم پر حجاز مقدسہ کے سفر پر صارفین کو 12 فیصد کی خصوصی رعایت دی گئی ہے۔

(جاری ہے)

ترجمان کے مطابق یکم تا 12 ربیع الاول کے دوران جدہ اور مدینہ منورہ سفر پر 12 فیصد رعایت ہوگی، خصوصی رعایت کے ساتھ 12 کلو اضافی سامان لے کے جانے کی سہولت بھی مہیا کی جائے گی، پیکیج جدہ اور مدنیہ منورہ جانے والے اور آنے والے دونوں سفر پر کارآمد ہوگا۔ترجمان پی آئی اے کا کہنا ہے کہ بحیثیت قومی ائیرلائن پی آئی اے ہمیشہ خصوصی مواقع جوش و جذبے سے مناتی ہے، خصوصی پیکج کا مقصد جشن ولادت رسولﷺکی خوشیوں میں قوم کے ساتھ شامل ہونا ہے۔