Live Updates

نو منتخب وزیراعلیٰ خیبر پختونخوا بیرون ملک سفرنہیں کرسکیں گے

سہیل آفریدی کا نام وزارت داخلہ کی سفارش پر9مئی واقعات کے بعد پی این آئی ایل میں شامل کیے جانے کا انکشاف

پیر 13 اکتوبر 2025 20:50

نو منتخب وزیراعلیٰ خیبر پختونخوا بیرون ملک سفرنہیں کرسکیں گے
پشاور (اُردو پوائنٹ اخبارتازہ ترین - این این آئی۔ 13 اکتوبر2025ء) خیبرپختونخوا کے نو منتخب وزیراعلیٰ سہیل آفریدی بیرون ملک سفرنہیں کرسکیں گے۔ ذرائع کے مطابق سہیل آفریدی کا نام وزارت داخلہ کی سفارش پر9مئی واقعات کے بعد پی این آئی ایل میں شامل کیا گیا ، سہیل آفریدی کیخلاف نیشنل سائبرکرائم ایجنسی میں ریاستی اداروں اوراہم شخصیات کیخلاف لکھنے پرانکوائری چل رہی ہے، سرکاری دستاویزات کے مطابق وزیراعلی خیبر پختونخوا نے مالی سال 2021،2022،2023 میں کوئی ٹیکس ادا نہیں کیا۔

(جاری ہے)

وزیراعلی سہیل آفریدی کا نام ایف بی آر کی نان فائلرلسٹ میں بھی شامل ہے، وزیراعلی ایک بار 2019ء میں متحدہ عرب امارات کا دورہ کرچکے ہیں ۔انہوں نے اپنے پاسپورٹ کی 2021ء سے تجدید بھی نہیں کرائی۔

Live سے متعلق تازہ ترین معلومات