معصوم شہریوں پر حملہ اور ہونے والے وحشیانہ ذہنیت کے پیروکار ہیں، نیئر حسین بخاری کی پشاور دھماکے کی مذمت

منگل 27 اکتوبر 2020 13:25

اسلام آباد (اُردو پوائنٹ اخبارتازہ ترین - این این آئی۔ 27 اکتوبر2020ء) سیکرٹری جنرل پاکستان پیپلز پارٹی سید نیر حسین بخاری نے پشاور دہشتگرد دہماکے کی شدید مذمت کرتے ہوئے کہا ہے کہ معصوم شہریوں پر حملہ اور ہونے والے وحشیانہ ذہنیت کے پیروکار ہیں۔

(جاری ہے)

اپنے بیان میں انہوںنے کہاکہ بڑھتے ہوئے دہشتگردی کے واقعات قابل تشویش ہیں ، دہشتگردی کا خاتمہ نیشنل ایکشن پلان پر من و عن عملدرآمد میں ہے ۔ انہوںنے کہاکہ دہشتگروں کے سہولت کاروں اور مددگاروں کی بیخ کنی ضروری ہے۔ نیر بخاری نے دہماکے میں شہید ہونے والوں کے اہلخانہ سے ہمدردی اور یکجہتی کا اظہار کیا ۔