آزاد کشمیر حکومت کا ایل او سی شہداء کے خاندانوں کیلئے ریلیف پیکج کا اعلان

بھارتی جارحیت کے نتیجے میں شہید کے لواحقین کو 3 ہزار روپے فی کس ماہانہ ملیں گے، نوٹیفکیشن جاری

جمعہ 20 نومبر 2020 21:20

اسلام آباد (اُردو پوائنٹ اخبارتازہ ترین - این این آئی۔ 20 نومبر2020ء) حکومتِ آزاد کشمیر نے شہداء کے خاندانوں کیلئے ریلیف پیکج کا اعلان کیا ہے۔

(جاری ہے)

نوٹیفکیشن کے مطابق لائن آف کنٹرول (ایل او سی) پر بھارتی جارحیت سے متاثرہ افراد کو ریلیف پیکج دیا جائے گا اور شہداء کے لواحقین کو 3 ہزار روپے فی کس ماہانہ ملیں گے۔نوٹیفکیشن میں کہا گیا کہ شہید کی بیوہ دوبارہ نکاح تک اعزازیہ حاصل کرسکے گی جبکہ نابالغ بچے 25 سال کی عمر تک شہادت اعزازیہ حاصل کرسکیں گے۔