شوبز دنیا کو خیرباد کہنے والی بھارتی اداکارہ ثناء خان نے معروف اسلامی اسکالر سے شادی کر لی

سوشل میڈیا پر گردش کرتی خبروں اور تصاویر کے مطابق سابقہ اداکارہ نے گجرات شہر میں عالم دین مولانا انس سے شادی کی

محمد علی ہفتہ 21 نومبر 2020 20:56

گجرات (اُردو پوائنٹ اخبارتازہ ترین۔ 21 نومبر2020ء) شوبز دنیا کو خیرباد کہنے والی بھارتی اداکارہ ثناء خان نے معروف اسلامی اسکالر سے شادی کر لی۔ تفصیلات کے مطابق حال ہی میں شوبز کی دنیا کو خیرباد کہہ کر دینی زندگی اختیار کرنے والی بھارت کی مشہور اداکارہ ثناء خان نے اب خاموشی سے شادی کر لی ہے۔ سوشل میڈیا پر گردش کرتی خبروں اور تصاویر کے مطابق سابقہ اداکارہ نے گجرات شہر میں عالم دین مولانا انس سے شادی کر لی۔

تاہم ثناء خان کی جانب سے تاحال اس حوالے سے باقاعدہ اعلان نہیں کیا گیا۔

View this post on Instagram

واضح رہے کہ معروف بھارتی اداکارہ ثنا خان نے گزشتہ ماہ اسلام کی خاطر شوبز چھوڑنے کا اعلان کر دیا تھا۔

(جاری ہے)

ثناء خان نے گزشتہ ماہ جاری بیان میں کہا کہ وہ اپنی زندگی انسانیت کی خدمت میں اور اللہ تعالی کے احکامات کے مطابق گزاریں گی۔

View this post on Instagram

اداکارہ ثنا خان نے سوشل میڈیا ایپ انسٹاگرام پر پر طویل پیغام میں کہا کہ آج میں اپنی زندگی کے ایک اہم موڑ پر آپ سے بات کر رہی ہوں۔میں کئی سالوں سے شوبز کا حصہ ہوں۔اس عرصے میں مجھے ہر طرف سے شہرت عزت اور دولت نصیب ہوئی جس کے لیے میں شکر گزار ہوں۔لیکن کچھ دن سے مجھ پر یہ احساس قبضہ جمائے ہوئے ہے کہ انسان کے دنیا میں آنے کا مقصد صرف یہ ہے کہ وہ دولت اور شہرت کمائی کیا اس پر فرض نہیں ہوتا وہ اپنی زندگی ان لوگوں کی خدمت میں گزارے جو بے آسرا اور بے سہارا ہیں ۔

کیا انسان کو یہ نہیں سوچنا چاہئے کہ اسے کسی بھی وقت موت آ سکتی ہی اور مرنے کے بعد اس کا کیا بننے والا ہی ان دو سوالوں کے جواب میں مدت سے تلاش کر رہی ہوں خاص طور پر اس دوسرے سوال کا کہ مرنے کے بعد میرا کیا بنے گا۔