فردوس صاحبہ آپ نے جس طرح چوہدری سرور کی قدم بوسی کرکے دوبارہ انٹری دی ہمیں معلوم ہے‘ عظمیٰ بخاری

عمران خان نے پورے ملک کا گند ایک پلیٹ فارم پر ہی قوم کو مہیا کردیا ہے‘ سیکرٹری اطلاعات (ن) لیگ پنجاب

ہفتہ 28 نومبر 2020 17:04

فردوس صاحبہ آپ نے جس طرح چوہدری سرور کی قدم بوسی کرکے دوبارہ انٹری ..

لاہور(اُردو پوائنٹ اخبارتازہ ترین - این این آئی۔ 28 نومبر2020ء) مسلم لیگ(ن) پنجاب کی سیکرٹری اطلاعات عظمیٰ بخاری نے کہا ہے کہ حکومت نے اپنے تمام بدتمیزوں کے رسے کھول کرکے قوم پر سوار کر دیے ہیں،فردوس عاشق کو نوازشریف اور شہبازشریف کی والدہ کے انتقال پر بھی گندی سیاست کرتے شرم آنی چاہیے۔

(جاری ہے)

اپنے بیان میں انہوںنے کہا کہ اس عورت میں شرم نام کی کوئی چیز باقی نہیں، تین دن اپنا منہ بند رکھ لے،فردوس صاحبہ آپ نے جس طرح چوہدری سرور کی قدم بوسی کرکے دوبارہ انٹری دی ہے وہ ہمیں معلوم ہے۔

انہوںنے کہا کہ عمران خان نے پورے ملک کا گند ایک پلیٹ فارم پر ہی قوم کو مہیا کردیا ہے۔بنی گالہ ،وزیراعلیٰ ہائوس اور گورنر ہائوس پنجاب میں روزانہ سازشی پلان تیار ہوتے ہیں۔عمران خان اور چوہدری سرورہر تیسرے تین حکومتی ترجمانوں کو گائیڈ لائنز دیتے ہیں۔سب چور اچکے اور چاپلوس سلیکٹڈ کی ریشہ دوانیوں اور جرام تراشیوں پر مٹی ڈالنے کیلئے شریف فیملی پر تنقید کرتے ہیں۔