لاہورآلودہ ترین شہروں کی فہرست میں دوسرےنمبرپرآگیا

لاہور میں آلودہ ذرّات کی مقدار 235 پرٹیکیولیٹ میٹرز ہے، دنیا کے آلودہ شہروں میں صوفیا پہلے اور بھارت کا شہر کلکتہ تیسرے نمبر پر ہے

شہریار عباسی اتوار 29 نومبر 2020 12:25

لاہورآلودہ ترین شہروں کی فہرست میں دوسرےنمبرپرآگیا

لاہور (اُردو پوائنٹ اخبارتازہ ترین ۔ 29 نومبر2020ء) لاہور کی فضا میں بہتری آنا شروع ہو گئی، ایک ہفتے میں لاہور دنیا کے آلودہ ترین شہروں کی فہرست میں دوسرے نمبر پر آگیا ہے۔ عالمی ادارے ایئرکوالٹی انڈیکس کی جانب سے جاری کردہ رپورٹ کے مطابق لاہور میں آلودہ ذرّات کی مقدار 235 پرٹیکیولیٹ میٹرز ہے، دنیا کے آلودہ شہروں میں صوفیا پہلے اور بھارت کا شہر کلکتہ تیسرے نمبر پر ہے۔

(جاری ہے)

ایئرکوالٹی انڈیکس کے مطابق بلغاریہ کے شہر صوفیا میں فضا میں آلودہ ذرات کی مقدار 322 پرٹیکیولیٹ میٹرز پائی گئی ہے جبکہ بھارت کے شہر کلکتہ میں آلودہ ذرات کی مقدار 224 پرٹیکیولیٹ میٹرز ریکارڈ کی گئی ہے۔ واضح رہے کہ چند روز قبل لاہور دنیا کے آلودہ ترین شہروں کی فہرست میں پہلے نمبر پر تھا جبکہ کراچی دوسرے اور کابل تیسرے نمبر پر آگیا تھا۔آلودہ فضا سے شہریوں کو سانس لینے میں دشواری کا سامنا ہے۔ اس حوالے سے ماہرین صحت نے ایک پیغام جاری کیا ہے، جس میں اُن کا کہنا ہے کہ لاہور کے شہری ماسک کا استعمال کریں اور گھروں کی کھڑکیاں دروازے بند رکھیں۔